موضوع مضيق خاطري

والله لو ما ردوا لكم خبر يمكن خيره ما تدرين فلا تشغلون بالكم بها الموضوع

يمكن صار عندهم ظرف ..ان شاء الله يجوا ويتمم لكم على خير وتسير الخطبه رسمي.

عادي تصير كثير
الحين طايحين في هالحركه يدخلون بيوت كثير يشوفون بناتهم وياخذون العلوم ثم يروحون للولد يعطونه الاخبار واذا اعجبتهم السلعه بيكلمونكم . . استغفر الله

تعودي على هذا الشي اذا بتسمحين للحريم يدخلون بيتك يتفرجون و لا تنتظرين اتصال ولا زياره الله يسهل دربهم
ودي انصحك بشي لا تسمحين لبناتك تنكسر قلوبهم ويتعلقون اذا كلمتك حرمه تبي تشوف اول انتي اقتنعي فيها واسأليها وش مواصفات البنت اللي تبحثون عنها بعدين اسمحي لها تدخل بيتك تشوف ولا تقولين للبنات انها تبي تخطب
لان في الغالب بس داخله تشوف اشكال البنات اذا فيها مواصفات تبيها وبتطلع لبيت ثاني
وصارت معنا كثييييير فلا تشغلين بالك وتعلقين قلوب البنات ثم تنكسر نفوسهم

ياااكثر الناس الي يسوون كذا تلاقينهم عندهم 5 او 6 بيوت سوو فيهم مثلكم واخرتها يقعدون ويقررون يبون من أي ببيت واي وحده مواصفاتها افضل الله يعينهم علي نفسهم

يمكن يرجعون ويمكن لا امور الزواج مافيها استعجال واذا ماجو خيره ماتدرين وش ربي كات