موضوع هام ومستعجل / ما السبب في تاخر زواجي .. معدل

السلام عليكم ورحمة الله وبركاته

انا احب اعرض عليكم مشكلتي واتمنى انك تساعدوني وتفيدوني فيها بارائكم

انا بنت عمري 28 سنه وللحين ماتزوجت ولا في حياتي حد تقدم لخطبتي ابدا

بالرغم من اني الحمد لله خلوقه وحلوة وطيبه بشهادة الكل والله

صديقاتي وخواتي تزوجو اللي بعمري وانا لا

انا نفسي اتزوج وهدفي الزواج بس للاسف للحين ما صار شي

انا تقريبا من اكثر من سنه صار يجيني شكوك اني قد اكون مصابه بسحر او مس او ماشابه

رحت عند شيخ طيب وتقي قرا علي لمده يوم واحد بس وقالي اني سليمه

شلت الفكره من بالي تماما بس رجعت الشكوك لي

والله انا انسانه ملتزمه جدا جدا بصلاتي وصيامي واقوم الليل واقرا القران حتى انه صار لي 5 شهور اقرا البقره

ومحافظه على الاستغفار والتسبيح والدعاء

مرات احس انه بكره احلى ومرات احسن بالياس استغفر الله

ممكن تعطوني رايكم بجالتي لاني صرت في شكوك كثيره مرات اقول هدا اكيد سحر ومرات اقول لا مس

ومرات احس انه بس مجرد نصيب ولسه ما جا

انا اتالم كل يوم وتقريبا ابكي يوميا وقلبي موجوع نفسي اتزوج واعيش مثل باقي البنات زوجه وام

الغريب انه طووول عمري هذا محد تقدم لي بالرغم من انه شباب كثير في مجال الدراسه ينعجبو فيني

بس محد يتقدم

وللعلم اني قدمت اكثر من مره على وظيفه وما حصلت

صديقه قالت لي ممكن يكون فيني مس لانه المس يوقف حياة الشخص من شغل وزواج وما شابه

ارجوكم اهتمو بوضعي وانصحوني

والله بدعيلكم من قلبي