موعد الاجهاض تحدد بعد 7 ايام انصحوني

السلام عليكم جميعاً


مدري من فين أبدا.
انا ام عمري 25 وعندي ولدين الكبير عمره خمس سنوات والصغير سنه وشهرين..
من كم يوم أكتشفت اني حامل وكنا نستخدم طريقة العزل.
اخذنا فتوى من شيخ ب جواز إسقاط الجنين قبل 20 يوم وفي مقاطع باليوتيوب تجيز ذلك.
علماً باني ماودي ب الاسقاط ابدا وزوجي مايحب الاطفال وكثرتهم وهو اللي يبيني اسقط الجنين.
انا احس اني في هم ولا ادري وش اقرر عليه لان موعد الاجهاض بعد اسبوع في المستشفى.
وخايفه اني اندم على الاجهاض وبنفس الوقت الفتاوي محلله لي وخصوصاً ان طفلي صغير.
اخاف يكثرون علي الاطفال واقصر في البيت وزوجي وفيهم. وانا الحين بالبركه اشتغل في البيت وطول الوقت معصبه ومتنرفزه من الازعاج والترتيب.
انا كنت نوعاً ما مفكره ف نفسي واني مابلقى وقت ادلع نفسي وزوجي لكن اليوم جيت لقيت زوجي يتفرج ف مسلسل وتاركني ماسكه الاطفال عنه على اساس بينام.
بديت افكر جدياً انه مو داري عني وانا من اسباب اجهاضي بيكون هو وعشان اعطيه وقت وما انشغل عنه. لقيته يصرفني ويقعد يتابع ومستانس ب جوه لحاله. :(
بنات تكفون لا تزيدوني عاللي فيني. انا متاكده من جواز الاجهاض في حالتي. لكن ابي مشورتكم يمكن وحده تنورني ل نقاط انا غافله عنها.