موفاهمه شي ؟؟؟اسمعوا قصتي واحكموا

السلام عليكم ورحمه الله وبركاته
بدخل بالموضوع على طول نفسيتي تعبانه وحالتي مايعلم فيها الا ربي اعتقد بعضكم قرا موضوعي الاول
سويت تحليل وطلعت حامل بعدخمس شهور من اجهاضي الاول اللي كان سببه توقف الجنين عن النمو وتوفى بالشهر الثالث
رحت الحمادي وفتحت ملف عن دكتوره مسرات الهنديه سوولي اشعه صوتيه وبين كيس الحمل وقالت لك شهرو4ايام قلت الحمدلله وطرت من الفرح وقالت تعالي بعد اسبوعين عشان راح يكون بين النبض وخلال هالفتره نزل معي دم اشبه بالدوره الشهريه المهم سويت اشعه وقالت كيس الجنين سليم وفيه جنبه كيس او تجمع دم بسبب مجهود قمتي فيه ولكن مابين النبض وسوت اشعه مهبليه قالت الحمدلله فيه جنين لكن النبض ضعيف رحت للدكتوره وقالت نفس كلام الاخصائيه تبع الاشعه بناء على التقرير اللي جاء منها فقالت تعالي بعد كم يوم عل النبض يتحسن توكلت على الله ورحت وسمعت اخبارررررررر قمه في الغرابه قلبت حالي لهم رحت سويت اشعه وطبعا اللي يعرف مستشفى الحمادي فيه عيادات خاصه للاشعه ماتويسها عند الدكتوره...
المهم رحت عياده غير الاولات ومعي ملفي اول ماحطت الاشعه الصوتيه قالت انتي حامل اصلامافيه كيس لازم اشعه مهبليه سويتها الا قالت رحمك فيه حاجزعشان كذا يمكن تجهضين والجنين مش مبين فيه كيس فارغ طاح قلبي كلام كبير اول مره اسمعه وعرضتني على استشاري وقال نفس الكلام يمكن احتاج منظار يشيل الحاجز وووو
رحت للدكتوره ومعي تقريري والدموع ملتني قالت روحي سوي تحليل هرمون حمل سويته وطلع فيه حمل وقالت انه ينموفوق معدل الطبيعي وماهو مبين يمكن واحنمال يكون حمل عنقودي تعالي بعد يومين وانا انتظريجي الثلوث واروح
والله يابنات حالتي ماتسر على فكره انا قد سويت بعد الاجهاض بشهرين اشعه مهبليه اطمن على ارحامي قالت كل شي تمام ورحمك طبيعي في مستشفى الرياض الطبي عند د.جيهان هذا اللي مخوفني وش المشكله ليه كل مره يطلعلي شي ماني فاهمه والله نفسيتي تعبانه لانوم ولا اكل واهملت بيتي يارب ارحمني برحمتك على فكره انا لي متزوجه 10شهورموفاهمه شي لان اخواتي حملهم طبيعي جدا واهل زوجي بعد انا الحاله الشاذه اللي ارعبت الكل
انا مفكره اروح شيخ وناويه اروح ان شاء الله اسوي اشعه بمستشفى ثاني وش رايكم نوروني وادعولللللللللللللللللللللللي احبكم في الله