موقع روووعه لادوات المطبخ وادوات تزيين الكيك والكب كيك .. مع طريقه الشراء منه

بسم الله الرحمن الرحيم

انا عند وعدي لكم وجبت لكم اليوم الموقع اللي شريت منه اغراضي وطريقه الشراء منه

اولا هذا هو الموقع
http://www.fancyflours.com/


تفضلي ادخلي وشوفي كل الاقاسم الموجوده فيه واختاري اي صنف تبينه

مثلا ادخلي على هذا الرابك وهو يخص اكواب الكب كيك


http://www.fancyflours.com/site/xdpy...ups/index.html

اضغطي على اي صورة تبينها وراح ينقلج الى صفحه خاصه بالصمنتج اللي تبينه وتحته وصفه من حيث الحجم والمقاس وعدد الحبات في الباكيت

مثلا تضغطيت على الكب كيك الاسود

وراح تطلع لج هذي الصفحه
http://www.fancyflours.com/cgi-bin/fancyflours/index.html

بتلقين مربع على ايدج اليمين تكتبين العدد اللي تبينه في( الكوانتتي )

وعقبها تضغطين على ( اد تو شوبينج كارت )

وراح ينقلج الى هذي الصفحه اللي فيها يضيف لج كل مشترياتج ويوضح لج عددهم

http://www.fancyflours.com/site/order.html
اذا تبين تشترين بعد تضغطين على ( كونتينو شوبينج ) اي استمر في التسوق وهو المستطيل الاصفر اللي تحت على اليسار

واذا خلصتي خلاص تضغطين على ( بروسيد تو شيك اوت ) وهو المستطيل الاصفر اللي تحت جهه اليمين

بتلقين عقب هذي الصفحه اذا ضغطتي على الشيك اوت

https://www.fancyflours.com/site/log... N296pVVXDr6B7
روحي ملي البيانات في ( نيو كاستمر) لانج زبونه جديده عندهم

حطي ايميلج في اول فراغ
عقب كلمه المرور وبعدها اكدي على كلمه المرور
عقب اضغطي على المستطيل اللي تحتهم عشان يكون لج سجل جديد خاص فيج عندهم
ملاحظه اذا سجلتي وعقب تبين تدخلين مره ثانيه على الموقع عشان تشترين تروحين على اول مستطيل لانج زبونه مسجله من قبل وتسجلين الايميل وكلمه المرور فقط

بعدها راح ينقلج لصفحه تسجيل معلومات البطاقه ومعلومات الشخص اللي بيشحنون له الاغراض

وبتلقين قائمتين قائمه بيلينج ادرس او بيلنج تو
وفي هذي القائمه دائما تحطين معلومات عن صاحب البطاقه ويكون اسمه بالظبط نفس البطاقه

واول شي عندج البلد اختاري قطر وهو بنفسه بيغير لج شوي في الصفحه وملي عقبها باي البيانات سهله وايد

ملاحظات لملي الخانات
اول خانه للبلد
ثاني خانه للاسم صاحب البطاقه الاول
ثم الاسم الاخير لصاحب البطاقه
ثم اسم الشركه خليه فاضي
ثم العنوان 1 حطي قطر - الدوحه
ثم العنوان 2 حطي p.o box : وحطي بريد صاحب البطاقه
المدينه حطي الدوحه
البوستال كود حطي !!!!!!
ايميل صاحب البطاقه بتلقينه هو حاطه من نفسه يعني موجود وخليه مثل ما هو عشان يوصلج على ايميلج كل المعلومات
وعقب رقم تلفونج او جوالج وقبله +974
وعقب بتلقين مربعين صغار تحت اضغطي على اول مربع

وبجذي بتخلصين اول قائمه

في القائمه الثانيه وهي قائمه معلومات الشحن بتلقين باللون الاحمر مكتوب وتحته في خيار عن الشحن الدولي وجنبه دائره فاضيه اضغطي عليها

وبعدها بتلقين مكتوب ان عنوان الشحن هو نفسه عنوان صاحب البطاقه وجنبه مربع اضغطي عليه

ملاحظه هامه دايما حاولي تحطين معلومات صاحب البطاقه نفس الشحن

والحين مافي داعي تملين الباقي لانج ضغطتي على المربع خلاص


واخر خطوه راح تنزلين تحت وتلقين طلبج موجود وكل شي وما عليج غير انج تسجلين بيانات البطاقه في الخانات اللي تحت
وعقب اااااااااخر الصفحه بتلقين مربع صغير مكتوب عليه ( ساب ميت ) اضغطي عليه

وراح يكون كل شي اوكيه ان شاء الله

على فكره يرسلونه على امريكان اكسربس وراح يوصلج عن طريق البريد الممتاز في غضون اسبوع ان شاء الله

واوراق زبده الكاكاو يوم طلبتها طرشوا لي ايميل وقالوا لي انها احتمال تذوب تبينها على مسؤليتج ولا نكنسلها وتستبدليها بشي ثاني قلت لهم لا ابييييييييييييييييييييييييييييييها

اصلا انا طالبه من الموقع بس عشان هذي الاوراق واخرتها تقولون لي جذيه يبه طرشوها واللي يصير يصير

خخخخخخخخخخخخخخخخخخ

وطرشوها بس وحده شبه ذايبه والباقي اووووكيه مع انهم تموا في البريد اكثر من عشر ايام

وترى بيطرشون لج كل شي ملفوف في اوراق رااااااقيه كانها هدايا صج موقع رااااااااااااقي

واي استفسار انا حاضره:)

دعـــــــــــــ ـمنقول للفائدهــ ـــــــــــــــــــــــــــــــواتكم