السلام عليكم
اخواتي انا الجأ لكم بعد الله ومالي غيركم
استفيد من نصائحكم ويبرد قلبي وخاطري من بعض الردود ومالي غنى عنكم
موضوعي هو زوجي مايطلعني لاي مكان الا ناااااااادر و اكثر من مرة يعشمني بطلعة ويسحب علي
او مثلا نكون جاهزين وبالسيارة ويهون ويكسر خاطري وخاطر اطفالي او يتأفف ويهاوش العيال ويجيه انواع النكد لما نكون معاه واذا طلع لحاله او مع غيرنا انواع السوالف والفله والضحك
بالعلم اني مجهزة اطفالي من قبل وما نتاخر علشان يمل و هو منتظرنا و او مايكون تعبان او مريض او عنده موعد او شغل
من كثر معاناتي في هذا الموضوع صرت ما اطلب منه نطلع لاي مكان...
بالاضافة على كلامي فوق
من يومين قال باطلعكم بدري جهزنا عالموعد وفرحانين و نحن يادوب بالسيارة قريب البيت عصب على طفلتي ولعني ولعنها واخذ منها العصير ومنفس
انكسر خاطري على طفلتي وعلى سبب تافه انها تشرب العصير ويادوب تتعلم وانا معها ماخليتها ولا وسخنا بس لاني احاول معها وهي طفله لسى ماتفهم حرام عليه احنا طالعين وناسة
قلت له بكل هدوء رجعنا البيت
رجع يهاوش ويغلط ويهدد بالطلاق
انا نزلت مع اطفالي البيت ساكته ومارديت عليه
ارجوكم لاحد فيكم يقول انا غلطانه انا ام
اتعب في تربية اولادي وشغل البيت وودي بطلعة تشرح القلب وتوسع الصدر مو شخص مبوز ومنفس ويهاوش
جلستنا بالبيت بدونه ابرك لنا
كسر خاطري وش اعمل معاه او كيف اتصرف؟؟
عشق وجفا @aashk_ogfa
محررة
يلزم عليك تسجيل الدخول أولًا لكتابة تعليق.
حروووفه
•
اذا لقيتي حل ارسليلي خاص
بيلسان❣
•
الله يعوضك ويعوضنا بكرا تزين الايام ونطلع نتمشى لوحدنا ونمشي اطفالنا بسياراتنا ولا احد يقدر يهرجنا انا ماينرفزني الا اخر الطلعه لازم يعصب وينرفزني
بـــوحـ
•
لا اكيد ما انتي غلطانه ومن حقك
واذا عصب وهاوش ترجعين البيت ليش ؟ وانتي عارفه طبعه
انتي حاولي تبعدين عن الاشياء اللي يعصب عليها مثلا بعض الرجال مايحب عياله ياكلون او يشربون بالسياره خلاص لا تعطينهم شي الا بعد ماتاصلون المكان اللي انتم رايحين له
وانتي لا تخربين طلعتك وتوقفين على كل كلمه يقولها خليه يتكلم ويهاوش مع نفسه ولا كأنك تسمعينه
نبسطي انتي عيالك وهو كيفه
واذا عصب وهاوش ترجعين البيت ليش ؟ وانتي عارفه طبعه
انتي حاولي تبعدين عن الاشياء اللي يعصب عليها مثلا بعض الرجال مايحب عياله ياكلون او يشربون بالسياره خلاص لا تعطينهم شي الا بعد ماتاصلون المكان اللي انتم رايحين له
وانتي لا تخربين طلعتك وتوقفين على كل كلمه يقولها خليه يتكلم ويهاوش مع نفسه ولا كأنك تسمعينه
نبسطي انتي عيالك وهو كيفه
عشق وجفا
•
بيلسان❣ :
الله يعوضك ويعوضنا بكرا تزين الايام ونطلع نتمشى لوحدنا ونمشي اطفالنا بسياراتنا ولا احد يقدر يهرجنا انا ماينرفزني الا اخر الطلعه لازم يعصب وينرفزنيالله يعوضك ويعوضنا بكرا تزين الايام ونطلع نتمشى لوحدنا ونمشي اطفالنا بسياراتنا ولا احد يقدر...
ياليت اخر الطلعة
يادوب نتطلع السيارة واحيان قبل مانطلع
يادوب نتطلع السيارة واحيان قبل مانطلع
عشق وجفا
•
لا يمكنك مشاهدة هذا التعليق لانتهاكه شروط الاستخدام.
سامحيني اذا موضوعي ضايقك الله يشرح صدرك
الصفحة الأخيرة