موقفي حساس ومدري هل بيدي شي اسويه

السلام عليكم ياحوائيات 
ارجوا نصحي بكل ماهو صواب 
المشكله هيه اخوي وزوجته طبعا متملكين بس باقي ماصارت حفله الزواج ومارحت معه يعني باقي عنداهلها 
المهم اخوي ماخذ اخت زوجي يعني حماتي فهمتوني 
طيب الحين حصلت مشكله بينهم والبنت قالت ماعاد ابغاك وبرجع لك كل ريال اعطيتني اياه 
طبعا يقولي انه اعطاها باقي مهرها عشان الزواج مابقي عليه غير شهرين وتبي تتقضى 
يقول بعد مارسلت مهرها قالتلي ارسلي كسوه لامي بس طبعا ماحددت كم بس احنا عندنا بعض العوائل يشرطون في العقد الكسوه بعضهم يطلب خمسه والبعض عشره الاف  واكثر الناس ماعاد تطلبها 
بس هم ماشرطوا ولاتكلموا 
المهم هيه قالت ارسلي الكسوه والاخلاص الي بيننا انتهى انا اهم شي عندي امي وسعادتها 
وهو قالها ماعندي استطاعه انا باقي ورايه عرس 
وهي ابدا رافضه تقبل العذر وهو نفس الشي يقول ماعندي عشان اعطيها وفهمتها وهي رفضت تقتنع 
طبعا انا ماكنت ادري بس توني عرفت الموضوع هي قالت لي بيننا مشكله بس ماسالتها ايش هيه بس رجعت كلمت اخوي وعلمني وقال انا متمسك فيها بس اذا هيه قررت الانفصال انا ما اقدر اجبرها تعيش معي 
طبعا انا ماراح اتدخل بالموضوع لان موقفي حساس جدا واي كلمه راح اقولها راح تنفهم غلط 
بس ايش رايكم بالي صار وايش هو الحل