موقفي صح ولا كيف

السلام عليكم بنات حواء الجميلات
عيدكم مبارك
لي يعرفني يعرف اني تطلقت من زوجي بعد زواجه من صديقة اخته
ماعلينا من كل هالكلام
انا الحين الكل يلومني ابوي وزوجة ابوي وعيالها وصديقاتي لاني تنازلت عن مبلغ كنت مسلفته لطليقي عشانه كان متورط بسيارته خربانة الماكينة حقتها وعشان يسد دين عليه
هذا الكلام قبل سنة وكان المبلغ يومها ٣٠ الف وكتب ورقة عليها ووقع عشان يرد لي الدين
وقدر الله وصارت هالمشاكل والحين تطلقت منه رسميا وراح بحال سبيله
اخواني واخواتي الكل يبغاه يرد فلوسي ذي وهو حالته المادية صارت صعبة جدااا بعد ما انفصلت عنه وتزوج ذيك وعليه كم قرض يادوبه يسدهم وعلى قول خالتي وامي انه متأزم نفسيا كثير هالفترة
وزادها اخوي من ابوي كل كم يوم رجع فلوس اختي
طبعا اخوي هذا يسوي كذا عشانه منقهر علي ومغبون كثير منه والكل مثله ويبغوني ارفع قضية عليه
اخوي رسل له رسالة قاله الله يجزاك خير فلوس اختي بعد العيد يكونو جاهزين ولا بتشتكي عليك

عشان يتأدب وانتقم منه وأذله وللحين واقفين لي يلا ننزل المحكمة ونروح الشرطة
انا رافضة وخبرت الكل اني ما ابغى منه شي الله يسامحه
يكفيه لي هو فيه تتخيلون انه مديون ل اغلب اقاربه وزادت زواجته الجديدة علي خذ قرض وتدين من زوج اخته ومن ابن عمه عشان العرس والحفلة والشقة والاثات ومصروف عيال زوجته من طليقها عليه لانه ابوهم عاطل ومريض وزوجته الجديدة مو متوظفة اساسا
يعني عيشته كانت تجيب الهم والحين بعد ما انفصلت عنه زادت هم وقرف وفقر وديون
انا قررت اتنازل لوجه الله على هالمبلغ وثانيا لاني ابغى احفظ العشرة لي كانت بيني وبينه والكل رافض هالشي ويقولون لي غبية وضعيفة لازم تاخذي حقك منه
وش رأيكم انتم يابنات مو صحيح موقفي ولا كيف