اليوم بصراحه جايتكم سرعتي 300 يعني طاااااايره تذكرت لكم موقف من مواقف التربيه العلمي ....
مرة من المراريت كنت أشرح الدرس للبنات وانا متحمسه واشرح وهم يشاركون وأشرح وهم يشاركون المهم لين وصلنا عند نقطه سألت فيها سؤال صعب ما جاوب الا كم وحده وانا بعد كل اجابه أقول ممتازه لييييين خلصوا اجاباتهم قمت قلت لهم من عندي اجابه وقلت بعدها ممتازه هههههههه تخيلوا واقفه والله في الفصل في نص هدومي والبنات ميتتتتين ضحك جتهم من الله هالفشله واااااي تخيلي تمدحين نفسك عند طالباتك ؟
ومره كنت لابسه أحمر وأسود الطالبات مايعرفون اسمي حاولوا يعرفونه لكن مارضيت أقولهم المهم يوم ماعرفوا اسمي قاموا يقولون لي ليلى الحمراء وينشدون ( ليلى بنت كالقمر .. أحلى من كل الصور ههههه
كنت دايما أتأخر في الخروج أخويه الله يهديه كان يتأخر عليه المهم كانت دايما تجلس معي الفراشه وتطفش من الإنتظار فصارت تقول .. والله ان عيالي يجون من الساعه 12 .. والله اني ما أحب أتأخر تعرفين الرجال يجي من الدوام مايلقى أحد في البيت .. وانا طيب ياخاله الله يعين ... شويه تقول .. انتي بيتك قريب من هنا ؟ وانا أقول لها ذحين يجي أخويه ما يتأخر:( ... ويجي الفرج الحمدلله ..
من البكرة تقول ... عيالي أسوي لهم الغدا أول ما أجي ... أنا ما أتأخر لين يفضى الشارع ... وش رأيك أوصلك بيتك ؟ وانا : يالله تفرجها من عندك الله لايضطرنا لخلقه ...آآآآآآآآه اللهم لك الحمد اني خلصت من ذيك الأيام ..
مرة وأنا سنه سادس جتنا معلمه تربيه عملي وكانت ما تعرف تشرح المهم والله يابنات كل يوم تجي لنا بتحفه من الشرح غير الثانيه لين يوم من الأيام جابت .... ايش تتوقعون ؟
جابت ولدها بكبره عندنا في الفصل
يمكن كان عمرة سنتين كان تعبااااان بالمره والله يابنات انها كانت تشرح وهي ماسكه الولد واذا شاركنا كانت تقول بس خلاص لايقوم الولد ....واحنا عاد أنواع النذاله جتنا ذاك اليوم مشاركه ماهي طبيعيه ههههه (يالله كم كنت اتهزأ منها ؟ الله يسامحها ويغفر لنا ولها ..بس بصراحه يابنات لازم تنقين البنات اللي بتروحين معهم التربيه العملي نقاااااوه لأنها فتره تحتاج التعاون بكثرة وهذي الفتره تطلع المعادن على حقيقتها وانا الحمدلله طحت في أحسن مجموعه:icon28: ولازم تكوني مثقفه في مجالك تجنبا لإحراجات الطالبات .. يالله ياحلوات أبغى أشوف مواقفكم وأضحك لييييييين صبح ...وهذه ضحكه مقدم هههههههه هههههه
بس عنجد موضووووع روووعة