موقف اقاربنا اللي كاسر قلبي للحين

السلام عليكم


بنات حواء انا جيت هنا افضفض واطلع كل اللي بقلبي واقرأ اراء اكيد ماطرت
ع بالي لكن اللي تبي تهاجمني وتسب لا تكمل الموضوع بليييز

كتبت لكم قبل فتره هالموضوع
http://forum.hawaaworld.com/showthread.php?t=4284840

وللحين مره حاز بخاطري مواقف هالعايلة معي واللي زاد الألم علي وكسر قلبي اكثر
قعدت اقول ليتهم تكتموا ع موضوع الخطبه وبس لا حتى الملكة بعد والله انهم بيومها
بعد مااعقدت عزموا الاقارب جلست اسأل نفسي اذا هم لهالدرجه يخافون من العين
وين كان عنهم هالمنطق يوم سوو اللي سووه فيني كم سنه وهم يمشون ويقولون
ينشرون للناس انهم خطبوني وفجأه وبدون مقدمات راحو وخطبوله وحده من برا العايله
بدون مايفكرون لافيني ولا بأهلي قطعوا نصيبي وبنتهم بعد ماعقدت وضمنوا
ان الزواج تم قامو علمو الناس ليش يعني بنتهم لها احاسيس وبنات خلق الله لا


والله العظيم انه الحفلة بعد تكتموا عنها لحد ليلة الحفلة قامو بالليل هي وامها عزمو الناس
حتى بأدق التفاصيل شاريين خاطر بنتهم وخايفين عليها وبنات الناس يسون فيهم اللي يبون
جلست اقول هي بكيفها لو ماتبي تخبر عن خطوبتها حتى عن عرسها
لو ماتبي تعلم بعد بكيفها لكن يابنات ماقدرت حازه بخاطري

يشهد الله اني بالعاده مااسمع عن وحده صار لها اي شي زين الا وادعيلها
بالتوفيق والبركه واوقات اذا حسيت اني تضايقت من احد وبديت اوسوس ليش انا غير
ومن هالأسئلة اقوم اصلي ركعتين وادعي له

الا ذا الآدمية من يوم ماملكت لهالوقت وانا مب عارفه شلون اتعدى هاﻷزمه كل
ماتذكرت اتضايق واحس اني سمحتلهم يهينوني ويرخصون فيني وربي مغبووونه
تدرون بيوم ملكتها بكيييييت من قلب بكيت حرقة ع نفسي وع امي الله يرحمها اللي
كانت تتمنى تفرح فيني وكانت الله يرحمها مره تقدر هالعايله وامهم كانت صديقتها
مره حتى بعد اللي سووه معي ماتكلمت وكتمتها بنفسها الله يجمعني بها ف الفردوس

كانت شارية خاطرهم ومسويه حساب للقرب والصداقه اللي بينهم وهم اللي مافكروا بذا كله

ندمت ع طيبة اهلي وسذاجتي وجلست اتذكر مواقف هالبنت معي وشلون كنت
عمياء عنها هي واهلها والله انها مره راحت قالت عني عند بنات اقاربنا اني
( راعية بنات ومن هالكلام ) رحت واجهتها لفت ودارت وقالت ماقلت كذا ووو واعتذرت
وانا غبيه زعلت كم يوم ورجعت معها عادي ورجعت كررت هالمواقف
وانا كل مره ازعل فتره واذا رجعت اعتذرت سامحتها ومره قالت ﻷهلها اني ارسلت لها
ع الواتس كلام مب زين عنهم وسبيتهم واني دعيت ع اخوها ان الله لايوفقه
وانا والله العظيم لا كلمتها عنه ولا ادري عن شي


ادري بتنط لي وحده وتقولي انت حسوده وووو من هالكلام بس
والله يابنات وربي الشاهد علي اني حاولت وحاولت انسى وادعيلها بس ماقدرت
وكم مره كتبت هالموضوع وحذفته لاني ابي اعتبره عادي وانسى بس عجزت انسى ماااقدرت
وكيف وانا اشوفهم وشلون يتعاملون مع مواضيع تخص بنتهم بأسلوب غيير عن اللي
تعاملو به معي ومع اهلي وكيف انسى وهم اللي تسببوا بقطع نصيبي
حتى امي مافرحت فيني


لو الموضوع ملخبط سامحوني كتبت كذا من حر مافيني