موقف حصلي بايكيا امس

السلام عليكم ورحمه الله وبركاته ...........


كيف حالكم يا أحلا عضوات ,,اتمنى لكم من كل أعماق قلبي كل الخير والسعاده...


المهم..راح ابدأ في موضوعي وهو الموقف اللي صار لي في ايكيا بجده ,,رحت انا وزوجي ايكيا امس

ولما شريت حاجتي منه , خرجنا وركبنا السياره, وحنا بالسياره ماشيين بين المواقف

قال زوجي: هذي شكلها مش ام البنت !!

انا طنشت كلامه لاني كنت مسرحه بالمرايه اللي شريتها من ايكيا .. وشوي فقت من سرحاني وقلت له : عن

ايش تتكلم؟؟؟


قالي فيه حرمه هناك جالسه ومعها بنت شكل البنت ماهي بنتها لان الام سوداء والبنت بيضاء.

قلت له : خلنا نرجع ونشوف الحرمه

المهم رجعنا لمواقف ايكيا بعد ماخرجنا منها .. وجالس زوجي يسوق السياره ببطئ ويقولي شوفيها هذي الحرمه


ناظرت الحرمه كانت جالسه على الرصيف في المواقف بين السيارات الواقفه وكانت سوداء البشره ولابسه عبايه كتف


ومسويه ملكي وشكل عبايتها مو لهناك على قد حالها وماسكه جوال قديم جالسه تكلم وشكل الحرمه واضح

انها حبشيه ومعها بنت بيضاء يمكن عمر البنت سنتين تقريبا ..والبنت لبسها حلو ماركه يعني فرق بين لبس

البنت ولبس الحرمه ..

المهم,,وحنا بالسياره جالسين نطالع فيها .. الا هي انتبهت لنا ,, اخذ زوجي لفه عالمواقف ورجعنا لمكان الحرمه

لقيناها ماسكه البنت ورايحه عند بوابه ايكيا وجلست عالكراسي اللي عند البوابه,,طبعا زوجي

مارتاح لها,,فجالسين نطالع فيها انا وزوجي وحنا بالسياره .. عاد هي شافتنا قامت اخذت البنت ودخلت ايكيا

وجالسه تحوس بالداخل ..والبنت مسكينه ماهي داريه عن شي,,

قام زوجي وقف السياره ونزل يكلم السكرتي اللي عند البوابه وقاله عن الحرمه..

راح السكرتي يكلم سكرتي غيره,,وجاء السكرتي الثاني يناظر الحرمه ويمشي وراها ,,قامت الحرمه أخذت

البنت وطلعت من ايكيا وجالسه تمشي مدري وين بتروح ..

هذا كله وانا جالسه بالسياره ..المهم راح زوجي عند السكرتي الثاني اللي جالس يطاردالحرمه وقاله:

الله يعافيك شف ذي الحرمه شكلها مريب شف الفرق بينها وبين البنت لاتكون بس خاطفتها ..


قال السكرتي : ادري عارف اللي تقصده حتى انا ملاحظها يعطيك العافيه انا براقبها وماراح اخليها تروح لين اتاكد

من موضوعها....

عاد هنا رجع زوجي السياره ومشينا..

بس فعلا مستغربه من حركات ذيك المره .. مدري وش قصتها هي شكلها واضح حبشيه

والبنت ياعمري ماشيه ماتدري عن شي صغيره ماتميز ..

الله يستر علينا وعلى جميع المسلمين ويحفظ عيالنا من كل مكروه


امييييين