موووقفي مع فقرااااء الذوق

كيفكم حوائياااات...

حتكلم عن سالفه متضايقه منها مدري اشبلاهم بعض الناس ماعندهم ذوق ولا اسلوب في التعامل مع الناس
بقولكم بعض الامثله وانتن احكمن ..

نقلنا بيت العمر الحمدلله والشكر وطبعا اخذنا قروووض لين قلنا بس حتى اكتمل وحتى اثثت..تعبت وانا اثث البيت ورحت منطقه ثانيه تقضيت منها وساعدنا شخص مختص بالديكور لان لي فتره طويله وانا احلم كيف أثث بيتي المهم الحمدلله انه اكتمل وكانت فرحتنا كبيره..الى هنا ماكتبت المشكله..طبعا بعد ماخلص البيت عزمنا اقاربي واقارب زوجي وهذه عاده عندنا نسوي نزاله ولين جو استقبلتهم طبعا استقبال حلو عاد تجيك بعض الناس المدرعمات الي مفتقرين للاسلوب والكلام الحلو تقولك وييييييع ليش لون الصالون بهذا اللون...وييييع ليش الكنب لونه كذا كان اخترتي لون ثاني...وييييع ليش ديكور السقف كذا كان اخترتي هالنوع..قرف غرفه بنتك خلاص ماتو الي يخلون اللون الوردي لغرف البنات
ولين حطيت الاكل كنت مسويه غرفه طعام وطاوله مكلفتني 27 الف والبعض من قليلات الذوق بصوت عالي فلانه اش هالذوق الي عندك ليش مختارتها خشبي لو اخترتي لونها عصري افضل..
المهم مو مبالغه كل كبيره وصغيره حطو فيه عيب وكاني عازمتهم لبيتي عشان ينتقدون..
يافديت اهلي يالبا قلوبهم هم الي عجبهم كل شي وهم المدافع عن بيتي وقت ما اهل زوجي متقرفين من كل شي..

اش رايكم بهالناس الي ماعندها ذوووووق ولا عندها اسلوب ولاعندها حتى مجامله..يعني ماعجبك لاتقعدين تحطمين الناس خاصه اذا محد طلب رايك ليش تقعدين تعطين رايك بفهم ليش!!

والله البيت جميل الحمدلله بمساعده من متخصص بالديكور وكلفنا كثير اكثر من 200 الف بس تأثيث..وهذولا جاين بارده مبرده مو حلو ووييييع وقرف..مالقرف الا اسلوبكم

ثاني شي طبعا بتقولون المهم انتي عجبكي ماعليكي من الناس..كلامكم صحيح ماعلي منهم الحمدلله وماكرهت البيت بسببهم بلعكس دعوت اصدقائي الكل يمدح وعجبهم ..
بس طبعا تجيك حاله مدري شنو اسمها اذا تعبانه في الشي والفلوس يالله جات وسفريات وتعبنا شهور شهور حتى كمل البيت ويجوك ذولا فقراء الذوق يقعدون يتحلطمون!!
صحيح الذوق يختلف بس لو قالو باسلوب حلو يافلانه لو اخترتي الطاوله الفلانيه بدل هذي ترا افضل ..بتكون على عيني وعلى راسي
اما بتجيك مفحطه ويييييييع وبكشره على وجها كنها شايفه اكرمكم الله شي مقرف

المهم راحو وبعد ماراحو اتذكر كلامهم حسبي الله جابولي الهم وحسيت بالقهر خاصه اني مارديت عليهم بس بكلمات بسيطه لان ماتوقعت كمييييه التحطيم الي قالو لي
شافو البيت كلو ماشالله 7 غرف ومطبخ و4 حمامات وصالتين ومخازن وو بس ماعجبهم العجب ماقالو اي هذا الديكور حلو لااا اذا عجبهم سكتو واذى ماعجبهم قعدو يهذرون قرق وماقرف وحده فيهم تقولي لاااا هذا مو ذوق اخوي اخوي ذوقه غير!!
خير

المشكله ان زوجي واهله ساكنين بيت صحيح ملك بس انه شعبي قدييييم المفروض اذا شافو بيت ولدهم ينبهرون مو يحطمون ابو كل شي فيك

حتى طلعتم بالحديقه وهم طلبو اطلعم مسوين حديقه صغيره وحاطين مسبح وزروع وحده فيهم المسبح جابلي الاستفراغ ليش لونه اخضر لو ازرق افضل!!! حنا مبلطين بلاط اخضر

المهم اسلوبهم صراحه جابلي الاستفراغ
حتى خواتي قالو انصدمنا منهم ليش اسلوبهم كذا

مع العلم يابنات مابيني وبينهم شي بلعكس لارحت لهم شايلني شيل يحبوني ويحبون بنتي ودايم عاديني وحده منهم

بس اسلوبهم صراحه مره مو حلو

وحده فيكم مرت بهذي الموواااقف وشنو ردت فعلها