مو لاقية طريقة اكلم فيها زوجي عن اخته

بنات انا اخت زوجي ساكنة عندي لها سنتين وباقي سنتين لحد ماتخلص دراستها..

انا والله اكرمها واعاملها زي اختي.. تخليت عن غرفة الحريم وجهزتها لها وخليت الضيوف بالمجلس بس

هي انسانة غير مبالية اطلاقا يعني الغرفة انا ارتبها لها بلايزها مرمية بالارض اغسل ملابسها واكويها
معتبرتها وحدة من البيت حالها حالي وحال زوجي واولادي..

انا بنفسي اصحيها لجامعتها ماترضي تصحي اجلس رايحة جاية عالغرفة لحد ماتقوم واحط لها الفطور وبعدين ارجع انا انام..
ماتكلف نفسها باي شئ من شغل البيت ولو مجاملة حتي الفطور تتركه بالصالة وتروح الجامعة .. اذا سهرت تترك اكواب الكوفي واكياس الشبس عالطاولة

وانا الحمد لله قايمة ببيتي مو محتاجتها بشئ


لكن قدر الله علي قبل شهر تقريبا اني تعبت ودخلت المستشفي وزوجي خلا دوامه العصر عشان العيال وقالها تمسكهم وقت يروح وتنتبه للعيال لكنها رفضت وقالت مالها شغل فيهم وانها ماتتحمل ازعاجهم وماتقدر تغير لبنتي حفاظتها تقرف
طبعا اهلي واهله من منطقة ثانية وزوجي ورط بالعيال واضطر يسافر فيهم مسافة 6ساعات يوديهم لاهلي ويرجع بنفس الوقت

انا الحين الحمد لله بخير لكن مااقدر ابذل مجهود كثير ونفسي فعلا قفلت من اخت زوجي
لكن مستصعبه اني اتخذ القرار اني مالي شغل فيها وترجع لاهلها مو قادرة اقولها لزوجي
بجد صرت مااقدر اشوفها قدامي احس نفسي انكسرت من ناحيتها
وكل ماشفت حوستها احاول اتحامل علي نفسي لكن ماصرت زي اول صحتي ماتساعدني
وخصوصا اني حاولت ابين اني معاتبتها قدام ام زوجي لكن للاسف قالو صح بنت ماتزوجت ماتتحمل اطفال ولاترضي تغسل لهم وعشان كذا زوجي سافر بالعيال لاهلي يوم اتصل علي امه عشان تقنع اخته تنتبه للعيال