مو مصدقه اخت زوجي تقول كذا بس حاسه انه زوجي الي

مرحبا
انا عندي بنت صغيره ما قد حطيتها عند أهل زوجي ولا قد ارسلتها لوحدها دائم رجلي على رجلها تروح معي وترجع معي حتى لو اروح مشوار اخذتها معي عكس سلفاتي الثانيات يحطون عيالها المهم ذاك اليوم كنت مضطره ابروح لموعد جدا ضروري وصعبه اخذ بنتي وما عندي وقت اوديها لم اهلي فا ارسلت لعمتي انه ممكن احطها عندكم وماراح أطول قالت إنها برى وبترجع فحطيها عند البنات خوات زوجي ٤ مو متزوجات في الجامعه والي متخرجه وهم طيوبات ومحترمات وماقد شفت منهم إلا كل خير المهم راح زوجي عشان يخبر خواته لقى اخته المتزوجه جايه اخته هذه كمان محترمه ولا هي راعية مشاكل تفاجئت ان زوجي دخل علي معصب قال خلاص لا تودين البنت لم اهلي قلت ليش قال تهاوشت انا واختي المتزوجه قلت ابجيب بنتي امها عندها مشوار ضروري وما تقدر تأخذها يقول وتصرخ في وجهي قالت محنا فاضين للأطفال يقول ابوي سمعنا وصف بجنبها وهزئني وقال انتم مستغنين عن بنتكم تبون الفكه منها المهم انا انقهرت منها ليش تسوي كذا وتخلي ابوها يهاوش اخوها وبعدين فيه في البيت خطواتها والشغاله هي ما طلبنا منها تحديدا تمسكها وليش تعلي صوتها على اخوها لو انها جايه في أسلوب وقالت يا اخوي معليش ما نقدر نمسكها كان اهون والي قهرني اكثر خواتها ليش ساكتين كان قالو حنا نمسكها المهم سكت وقلت ما علي واجلت الموعد ولا رحت معني مضطره جدا جدا المهم اتصلت عمتي قالت وين البنت قلت خلاص مو رايحه قالت وش صاير قولي الصدق انا ما بغيت اقولها بنتك الله يسامحها لاني ما ابي امشكل البنت مع امها واخاف تروح تهزئها قلت ما ابي عمي يتضايق قالت وعمك شو عليه هو ما هو بيمسكها او يرضعها هذا بناتي وحريم عيالي شفتيهم دائم يحطون أطفالهم عندنا الشغاله والبنات قلت ايه هذولاك غير عن بنتي عمي ما يتضايق منهم
المهم نسيت الموضوع واسوي نفسي عن خوات زوجي ان شي لم يكن بس الي مستغربه منه انه بعد ها الموقف كنا في عزيمه عند حمولتي يوم جاء العشاء قامت اخت زوجي المتزوجه وتأخذ بنتي تقول ادخلي على العشاء انا ابمسك البنت قلت لا وش دعوى تمسكينها وانا ادخل عادي ادخلها معي قالت لا لا ابمسكها واذا خلصتي انا ادخل وانا أرفض وهي مصره اصرار فضيع بس ما خليتها دخلت وبنتي معي واصلا بسم الله عليها هادئه
وبرضه بعد كم يوم عند خالت زوجي عزيمه وعند العشاء سوت نفس الحركه قسم بالله بغيت ارسل لها رساله اقول مدام انك ودك تساعديني في بنتي وانا اصلا في وضع ما احتاج لمساعد والأمر بسيط ادخل بنتي للعشاء معي يعني مو محتاجه لاحد يمسكها واصلا مو زينه انا عندي كرامه ادخل واملئ بطني واخليك تمسكينها المفروض يوم كنت عندي موعد ضروري وابحطها عند اهلك المفروض ماحشرتي نفسك وهاوشتي اخوك وسويتي من الحبه قبه بعدين جلست افكر اقول معقوله هذه تسوي كذا احساسي يقول ان ها المسرحية تأليف من زوجي بس الله كل يخاسبه