ام اسيل وعصام @am_asyl_oaasam

عضوة نشيطة

مين اللي قد صار لاطفالها هذي الحاله ساعدوني والله مااتهنى نومي

صباح الخير انا عندي بنت عمرها شهرين ومن بعد ماجبتها باسبوع بدأ معها حالة صياح غريبه كل يوم بس تصيح بقوة وخاصه فترة الصباح وتجلس والله تصيح حوالي ست ساعات متواصل ماتسكت ذبحت عمرها وذبحتني معها والله ماعرف طعم النوم اللي يعرفونه الناس وديتها ثلاث مستشفيات مانفعت ادويتهم يقولون هذا مغص وانتفاخ وامساك عادي يجي لكل الاطفال قالو وديها طب شعبي وديتها قالو مالها علاج الا الكي نقش بسيط فالبطن انصحوني وش اسوي ومن قد صار معها كذه وتعالج طفلها وش طلع غير المغص انا ماعندي مانع اكويها بس خايفه مايكون مغص واستعجل بالكي ومن جربت الكي وتعافا ولدها الله يفرجها عليكم اللي تعرف لاتبخل واللي ماتعرف ترفع الموضوع

يلزم عليك تسجيل الدخول أولًا لكتابة تعليق.

تسجيل دخول

زوجة قحطاني • 14 سنة

حبوبه دهنيها بزيت مقري فيه ولفيها واقري عليها وحطي كسره حلتيته بماي خليها تنقع وحطيها على طرف انفها

Om AzOzi • 14 سنة

انا ولدي كان كذا بالضبط والله اتذكر زوجي يروح للدوام وهو يبدا صياح لين يرجع حتى كنت اكلمه ويسمع صياحه ومستغرب بس فترة الصبااااح ..
انا عديت ولله الحمد ولدي عمرو سنة الحين بس نصيحة لاتستعجلي وتكويها انا دخل الثلاثة شهور وبدا تدريجيا يروح
مغص صدقيني لان طول اليوم تقريبا تكون خدرانة او نايمة وفترة الصباح تصحى وتحس بالالم وتبدا تصيح ..
يارب يكون في عونك والله ايام من جد ارهاق وتعب :(

رمانه حلوه • 14 سنة

والله عيالي كلهم نفس اللي قلتيه عاااااااااااااااادي طبيعي هذا مغص وبيخف لمن تجي عمرها 3 شهور بالضبط .. لا تسويلها اي شي الله يعينك على الصيااح لابد منه مافي طفل يتولد من غير مغص .. لاا تستخدميلها ادويه شعبيه وكي وخراابيط

بس في دوا للمغص بالصيدليه تقريبا يخفف

والله يعينك

ام اسيل وعصام • 14 سنة

الله يفرجها عليكم قولو امين

سنة أولى ماما • 14 سنة

رمانه حلوه :

والله عيالي كلهم نفس اللي قلتيه عاااااااااااااااادي طبيعي هذا مغص وبيخف لمن تجي عمرها 3 شهور بالضبط .. لا تسويلها اي شي الله يعينك على الصيااح لابد منه مافي طفل يتولد من غير مغص .. لاا تستخدميلها ادويه شعبيه وكي وخراابيط بس في دوا للمغص بالصيدليه تقريبا يخفف والله يعينك

والله عيالي كلهم نفس اللي قلتيه عاااااااااااااااادي طبيعي هذا مغص وبيخف لمن تجي عمرها 3 شهور...

كلام مضبووط 100% لا تستعجلي بالكي ترا كلنا مرينا بهالحاله وأكثر .. خذيلها ماي غريب من الصيدليه أو حطيلها ياتسون مع ماي دافي وخلها تشربه بالليل قبل النوم والله يكون بعونك :)