مين تبدأ معايه ؟؟؟ (( شراب للتنحيف ))

السلام عليكم ورحمه الله

كيفكم


ان شاء الله طيبيييييين




اولا الاستعانه بالله وبعدين بنجيب 2\1 كيلو شعير وبنغسله كويس من الحصى و الشوائب اللي فيه ثم نغليه في 3 لتر

ماء لحد ما تفتح حبة الشعير وهيك بنعرف انه اخد الشعير كفايته من الغليان

الان المتبقي من الماء راح يكون تقريبا لتر ونص الى لترين من شراب الشعير وهي الكميه المطلوب منك شربها يوميا
الطريقه :

يجب شرب كوب ونص الى كوبين قبل اي وجبه بربع ساعه

طبعا لازم تخلصي اللترين او لتر ونص كل يوم

طيب من وين لك هالطريقه ؟؟؟؟؟؟؟؟؟؟

الطريقه هاي مو للتنحيف وانما اكتشاف بالصدفه زي اكتشاف امريكا بس هي بالنسبه لبنات حوى اهم من امريكا

والانتخابات الرئاسيه............. بلشت اشت......... شو دخل السياسه بالرجيم

هاي يا عزيزاتي الها حكايه ...........

انا كنت بدرس في جمعية القران الكريم وكان معنا اخت من اخواتنا متزوجه وام لاربع اطفال ...الله يصلحهم و يخليلها اياهم
خشي في الموضوع .... وبلا سيرة ابو زيد الهلالي ....ماشي


طبعا كانت سمينه وزنها تقريبا 84 كيلو بس طولها كان بحدود 157 سم
مرت عليها فتره بلشت تشكي من خواصرها واضطرت تراجع الطبيب ... لما كشفت عنها الدكتوره تبين انه عندها

مشكله في الكليه ..........املاح عاليه ...... الدكتوره وصفت لها الدوا وحكت لها لازم تشرب يوميا لتر ونص الى لترين شراب الشعير لانه اله مفعول علاجي سحري لغسيل الكليه من الرواسب الملحيه

اختنا بالله ما كدبت خبر و بلشت تغلي وتشرب ....تغلي وتشرب وتشرب وتغلي .....الى ان !!!!!!!!!

ما وعيت على حالها الا وهي مختفيه يعني نحفانه ....طبعا هاد مو الغرض الاساسي لشرب الشعير بس بالصدفه طلع للوصفه اعراض جانبيه ويا ما احلاها من اعراض .......
وصل وزنها باربع اشهر الى 52 كيلو يعني تقريبا 32 كيلو بدون ريجيم او رياضه او حرمان او خلطات
طبعا اختنا لما شافت اللي صار لها وقفت الشعير لانها على هالحاله شكلها راح تختفي
نيجي هسه للاصداء العالميه للخبر ......... للاسف ما طلع على Bbc لانه بتعرفوا اي شي لدار القران الكريم واهله هالملاعين بعملوا عليه تغطيه
على كل ما علينا منهم هم الخسرانين نيجي للمسلمين
بنات المسلمين ما شافوا النتائج الا كل وحده جابت شوال شعير وبلشت غلي وشرب ومنهم اختي الله يفرج همها بالله عليكم تدعولها ...... المهم واختي هاي نحفت بشكل عجيب مع انها كانت يائسه لانها ما بتقاوم الاكل وكمان جربت خلطات زهورات ومسهلات وقهوة وما نفع معها الا الشعير والحمدلله هسه هي نحيفه ماشاء الله عليها ..........
يمكن تكون وحده فيكم كثير مثقفه ومن جماعة النظارات (يعني علميه زياده عن اللزوم) وتسالني
شو المصداقيه العلميه لكلامك ؟؟؟؟؟؟؟؟؟؟؟؟؟
المصداقيه العلميه لكلامي بتاخدوها من والدي العزيز ... خبره سبعون عاما ونزداد شبابا... المهم نيجي للتوثيق العلمي للشعير
طبعا لما شافوا البنات كيف صارت اختنا بدار القران نحيفه وماشاء الله عليها انصعق الكل ومنهم انا ما صدقت رحت حاكيه السالفه لابوي ........ العجيب انه ابوي ما استغرب وحكى لي شي طبيعي انه يصير معها هيك ...... طيب ليش يا بوي.......... قال لي الله يطول عمره ........... ركزوا فيها جملته وحطوا تحتها خطين مو بس واحد
الفلاحين بطعموا الجحش او الحمار ؟؟؟؟؟؟؟؟؟؟ ( لا تزعلوا كلنا مخلوقات الله) قمح او شعير بس الجحش اللي بيوكل شعير كان كرشه ضامر وحيله اقوى اما اللي بوكل قمح كان يربي شحم وبميل للكسل شوي
وبامكانكم تتاكدوا من هالمعلومه من ابائكم او اجدادكم
واللبيب من اتعظ بغيره حتى لو كان .!!!!!!!!!!!
المهم اتمنى اكون افدتكم ولا تنسوني من دعائكم واللي بتحب تنقل الموضوع ما عندي مانع بس لا تنسى فقره الدعاء عسى يكون منكم نساء صالحات ..... قادر يا كريم
اللي بتجرب الطريقه تنزل تجربتها وكم نزلت تحت الموضوع ان شاء الله

منقوول

وكمان الرسول وصف التلبينه وكلكم تعرفوا فوائد الشعير ابحثي عنه وشوفوا


انا من امس بدأت وان شاء الله راح اكتب كم نقصت كل بعد فترة واللي بتجرب تكتب كم نقصت هنا

وانا اغلي مع الشعير يانسون واحليه بقليل عسل

ولاتنسوا شرب الماء بكثره اول ماتصحي اشربي 4 كاسات قرات انه مفيد لامراض كثيرة ان شاء الله اكتبلكم الموضوع هنا

مين تبدأ معايه ؟؟؟؟؟

مع السلامة