مين حصل لها موقف مثل كذا وكيف تصرفت

السلام عليكم
هلا وغلا باللي يقرون ويطلعون بدون رد حتى السلام:)
احيانا تحصلي مواقف مثل كذا واتوهق ماعرف كيف اتصرف الموقف هو وحده قريبتي عزمتني مرة قبل فترة ورحتلها وكانت تقول انها عازمه جاراتها وانهم يقولون نبي نشوف خواتك وبنت عمك ونت خالتك وسلفاتك ووصتنا كلنا نكشخ قلت طيب ورحنا وبعد شوي جت اختها اللي هي بنت عمي الثانيه ونجلس شوي نتعدل ويدق الباب الاهي جارتها وتجيب القهوة وشوي ويجون ثنتين والباقين اعتذروا المهم اول وحده دخلت كانت امراه عاديه وواضح انها في نهاية الثلاثين وبسيطه في لبسها ومكياجها وكانت طول الوقت كلامها قليل اما الاثنتين وحده طول الوقت تضحك:hahaha: والثانيه تسولف المهم الاولى جلست على ايدي الشمال جنبي بس مولاصقه فيني لا يعني اقرب وحده من الشمال صاحبة البيت كلنت مشغوله داخل واختها تصب القهوة للحريم المهم قالولها انتي اخت فلانه قالت ايه انا اختها وهذي بنت عمي تقصدني الحرمه اللي جنبي من سمعت هالجمله ماشالت عينها علي طول الوقت ساكته وتناظرني ليتها تبتسم او تتكلم لا ساكته انا شكيت بعمري ورحت للمرايه اطالع نفسي الا الملح والقبله:22: وش حليلي ماشفت خصله طايره ولا كحلي سايل ولا الحلق ضايع زي العاده لا كل شي اوكي بس مدري وش فيها علي توقعت مشبهتني على احد طيب تجلس تناظرني كذا ؟؟؟؟مدري يمكن تبي تسولف معاي وماعطيتها فرصه طول هالوقت ماتكلمت معاي الا شوي سالتني هذا اول واحد هزيت راسي وقلت اول واحد وبعد شوي قالت اذن قلت ايه واغلب الظن كانت تبي تسولف معي بس ليش ماتكلمت خصوصا انها كبيره بالعمر وماتوقع مستحيه!!!!!! وليش كل هالنظرات انا طول الوقت اسوي نفسي مش منتبهه لها عشان ترحمني شوي مافيه فايده انا منتبهه لها بدون ماتحس وهي مبققه عيونها :09: اسفه طولت بس ليش تسوي كذا هل لاني كلامي قليل مثلها ومااجاري البنات بالسواليف صحيح اسولف بس مااكثر الكلام وشافتني اعقل منهم:rolleyes: والا هي وش قصتها او تتوقعون تقول بينها وبين نفسها يارب ترزقني بنت مثلها:35: :eek: هههههههه
مين صار لها موقف زي كذا وكيف تصرفت