مين زوجها يودي فطور للدوام؟وبنات الجنوب بسالكم عن شي معجب زوجي

السلام عليكم ياحلوات ..


كيفكم ..

تكفوون انقذوني ..

زوجي كل شتا يجيبون فطور بالدور كل يوم على واحد

وانا لسى ماكملت سنه من زواجي يعني اول شتا مع زوجي واول مره انضم للقائمة

المشكله انهم كلهم متحمسين بيذوقون الفطور ووحده جديده دخلت

انا الحمدلله واثقه بطبخي بشهاده الجميع يعني البوفيهات والسلطات والصواني والكبسات ابدع فيها..

بس المشكله عندي في الفطور ماعمري سويت الاصناف هذي بالفطور

يعني يبغون اكلات شتوويه بحافظات عريكه وغيره

انا اعرف اسوي القرص المعفوس اذا تعرفونه والقشد الملكي طعمه حلة

المشكله يقول حنا كثير ويحلف ان الحريم يجيبون 3انواع وحافظات من هالنووع

وانا ماودي افشل زوووجي ..

ابي اقتراحاتكم وش اسوي اكل لهم والمشروبات بعد غير الحليب بالزنجبيل ..والقهوه والشاهي

طيب بنات الجنوب سؤال؟! يقول فيه ترمس معهم زي الحليب لونه يصبونه ع القرص وعاجبه وشو هذا...؟!

ياربي والله محتاسه لا والمشكله حامل وظهري بينكسر من غير شغل وش عاد حافظات انواع لعشر رجاجيل..

يالله ابي افكار تكفووون لاتفشلوني اقلها اول مره اودي لهم فطور يطلع حلو..