مين شافت عضوة بالمنتدى مثلي؟؟

السلام عليكم
في وحده منكم قابلت عضوة بالمنتدى ولو عن طريق الصدفه؟؟
تعالوا اقولكم انا كيف قابلت عضوه هنا....
7
7
7
7
انا العام الماضي كنت حامل واتردد كثير على قسم الحمل والولاده خصوصا اني بكرية وفجأه لقيت بنت بتسأل عن المستشفى اللي انا راح اولد فيه والموهم اندمجنا بالسوالف وطلبت الايميل وصرنا على الماسنجر طوال اشهر الحمل نشوف اخبار بعض وكذا...

طبعا هي كان موعد ولادتها تقريبا بعدي ب3 اسابيع يعني فتره بس انا سبحان الله اخذت 10 ايام بالعاشر وولدوني صناعي وهي العكس ماشاء الله ولدت بالاسبوع الثاني بالتاسع .. فإيش اللي صار ؟؟
انو ولادتي كانت الاثنين وهي ولادتها الاربعاء بعدي بيومين :27: وسووا لي تنويم الين يوم الاربعاء وطبعا قسم التنويم فيه ممرات قاعدين يمشوا فيها اللي يحسوا بالطلق يعني اللي لسى ماولدوا...الموهم انا كنت قايله للبنت اسمي واسم العايله على المسنجر واثاريها يوم الثلاثاء بالليل قاعده تحس بالطلق ولسى ماعندها ولاده طلعوها التنويم وقاعده تمشي بالممرات ولقت اسمي على باب الغرفة وطلبت من النيرس تدخلها بس مرررة مارضيت للاسف..
بس وقتها أنا كنت نايمه والنيرس تركت الباب مفتوح وانا طفشت من الازعاج وقمت باقفل الباب ولمحت بنت مبتسمه بتمشي ومعاها حرمه باين انها كبيره هم بس ثنتين بالممر وشفتها وقفلت الباب ..
وبعدين لمن رجعنا نكلم بعض الا هي تقولي شفت اسمك وكان ودي ادخل بس مارضوا ... وانا قلت لها انا شفت وحده تمشي يوم الثلاثاء بالليل يمكن تكوني انتي ؟؟ بس ماكنت متاكده؟؟ وفجأه لمن ورتني صورة بنتها اللي جابتها على المسنجر والا هي نسسسسسسسخه من هذيك اللي بتمشي بالممر لدرجة اني تذكرت شكلها بقوة فقلت لها يابنت انتي بشرتك كذا وعيونك كذا و...و.....
قالت بسم الله اي انا كذا مواصفاتي .. قلت اذن انتي اللي كنتي تمشي و مبتسمه لي لمن قفلت الباب وانا بالمستشفى؟؟ وحتى قلت لها معاك حرمه قالت اي هذيك اللي معاي بنفس الغرفه حرمه كبيرة عندها ولاده كمان..
قالت اوووف انا ماانتبهت لك خساره عرفتيني وانا ماعرفتك:39:....فشفتوا كيف سبحان الله شفتها وعرفتها بالصدفه ولو مااخاف انها تزعل كان قلت لكم اسم العضوة..
7
7
7
وتوته توته توته .............خلصت الحتوته