مين عندها طفل خديج تنصحني ؟؟

طبيعي يالغالية أنا ولدي كان خديج وزنه كان يوم تولد 900 جرام واستلمته كيلو و900 جرام بس في المستشفى قبل ما أستلمة يوم كمل كيلو تقريبا كانوا يعطوني اياه في المسشفى أدربه على الرضاعة من صدري حتى يتعلم ويوم كمل الكيلو و900 عطوني اياه وطبعا حجله أصلا ما ينفتح ما يفهم أصلا يرضع فلازم أنا أفتح حلجه علمتني الممرضة كيف أنزل حنجه من تحت وأدخل الحلمة في حلجه وطبعا ياخذ أكثر من ساعة رضاعة وغير راسه كان صغير يعني ما تقدرين تلمينه على ساعد يدج كنت أحطه على كف أيدي وهالشي أكيد متعب أكثر وكان ظهري يعورني وأنا أرضعه وغير كان كل دقيقة يغفل ينام وكانت الممرضة تنبهني لازم تصحينه أقل شي لازم يكمل ساعة رضاعة والخدج أصلا كله ينامون فلازم يصحى كل ثلاث ولا أربع ساعات يرضع ولازم تنتبهين عليه ما تغفلين وتخلينه مثل ما قالت الأخت كثير ما يشرقون وكثير يرجعون الحليب اللي يشربونه ولدي كان بعد كل رضعه لازم يرجع نص اللي شربه ويظهر من حلجه وخشمه وغير الدكتور نبهني لازم ينام مثل اليالس حتى اذا ما رجع ما يطلع من خشمه يختنق ولا شي
وعلى فكرة ديري بالج من انه يتعرض للهواء الغير نقي والتلوث لأنه بعده صغير كأنه في البطن يعني لا بخور ولا بودرة ولا دخان ودرجة حرارة الغرفة لازم شبه تكون دافية أنا كنت في الصيف أخاف أفتح عليه المكيف ومغطية السرير ماله بناموسية وما كنت أفارق الغرفة لين كمل 3 كيلو طبعا ال3 الكيلو صاروا يوم صار عمره 4 شهور حتى البيت ما طلعت منه والنوم ما كنت أقدر أنام خايفه عليه كل ساعة أضبط المنبه أفتح أطمن عليه
بصراحة الخدج معاناه وما أتمنى اني أمر فيها مرة ثانية أو أي وحده تمر فيها علشان جي هذا حملي الثالث وأحاول قد ما أقدر أدير بالي على عمري وأتمنى من الحوامل يديرون بالهم ومراجعة الدكتور دورية وبالذات في أوائل الحمل وما تتساهلين في أي شي لو صغير سبحان الله الواحد ما يعرف اللي فيه
والله يحفظكم ويحفظ كتاكيتكم

اجل انا اهون منكم الحمدالله انا ولدي جاء وزنه كيلو و500 غرام ولا طلعوه الالمن صار وزنه 2كيلوا
وفعلا الرضاعه كانت جدا متعبه انا كنت ارضعه من ساعه الى ساعه ونص ولانه كان مايقدر يرضع ويتنفس في نفس الوقت لازم يمص اشوي ويتنفس اشوي ولان فكه ضعيف مايقدر يمص بسرعه انا جلس اسبوع على الحليب الصناعي وبعد كيذا بداء يمص من صدري وهالحين الحمدالله عمره شهرين وزنه يمكن هالحين تقريبا 4 كيلو
انا احس وزنه زاد اكثر من انه في بطني لانه لو اني حامل كان توني اكمل التسع اشهور واكيد ماراح اجيبه بهالوزن
واهم شي اذا جيتوا تنومون عيالكم خلي وجهه على جنب عشان لو استفرغ الحليب مايرجع بحلقه وخشمه وكل اشوي اقلبي وجهه على جنبه الثاني لا تخلين وجهه على جنب واحد بعدين يصير جزاء من وجهه صغير والجزاء الي ماينام عليه كبير حاولي تنومينه على الجهتين اهم شي لاتخلين راسه مستقيم عشان مايرجع الحليب بحلقه
وبليز بنات قولولي وش الحليب الي تستخدمونه لاطفالكم

أختي لا للعنف اسمج تحفه أنا ولدي خديج عمره 6 ونص والله يحفظه ويحميه بالفعل هو ذكي وقلبه صاحي لكنه مب هادي شيطان الله يحفظه وما يعرف يقعد بس بالفعل هو كأنه أكبر من عمره هو في عمر واحد من عيال عمته وفي عمر ولد أختي لكن ماشاء الله عليه كأنه أكبر منهم مب في الحجم طبعا صح هو طويل لكن جسمه نحيل عنهم لكنه بتصرفاته وذكائه أكبر منهم يبين بسم الله عليه في عمر ولد عمته اللي أكبر عنه 3 سنوات وحتى هو نفسه يفتكر نفسه في عمره فديته

الله يعطيكم العافية والله العظيم ماقصرتوا جزاكم الله خير ...
يعني هذا شي عادي ؟ طيب لين متى؟؟ طيب كيف نموهم ؟؟ يعني يصيرو مثل الاطفال العاديين ولا اصغر شوي ؟؟
وألاحظ أن ولدي صياحه صغير مره وماينسمع مره .. عادي ؟
وشـــــــــــــــــــــــــــــــــــــــــــــــــــــــكرا لكم
الي تسأل عن الحليب أنا الدكتور كتب لي سيميلاك نيوشور أبيض وفيه صورة دبدوب

بطني يوجعن
جزاتس الله خير والله انس فرحتين ورفعتي معنوياتي .... تعرفين أول بزر وخديج وحاله ..
ماقصرتي والله
وشكرا لكم جميعا :26: