مين نستشير في موضوع وحده تكلم في بيت ملتزم؟؟؟

السلام عليكم اخواتي
اول مره اكتب في هذا القسم و مو متأكده هل هو القسم الصحيح او لا

اتصلت علي صديقتي العزيزة وهي منهاره
تبكي بحرقه شديده
بعد ما حاولت اهديها و اسليها سألتها وش فيها
بعد الحاح مني و تردد منها جاوبتني بسر كانت تكتمه يألمها و يعذبها


هي متزوجه و تعيش في بيت لحالها طبعا
اختها اصغر منها بعشرسنين تدرس في الجامعه عمرها 22 سنه يعني مو صغيرة ولا مراهقه
كشفتها اكثر من خمس مرات وهي تكلم و في كل مره تحلف انها ما تقصد بس فاضيه و مره تحلف انها ما سوت و هي سوت.... يعني اكذب مخلوقه على وجه الارض... و على هذا المنوال
استخدمت معاها كل الطرق
اللطف , اللين , الضرب, التهزيء , التهديد .... و تمثل قدامها انها البنت اللي خلاص ما عاد ترجع ولا تسوي شي
اعطتها 3 جوالات خلال السنوات الماضيه و اساءت استخدامها,,, فحرمتها من كل شي
بعدين اعطتها لاب توب و مسكت عليها بلاوي,,, حرمتها
بعدين اعطتها ايبود و شافت فضايح تدمي القلب ... يعني ما تتوب
اخر شي شالت منها كل شي يعني حرمتها من كل شي حتى الطلعه لصديقاتها
بس الجامعه هي اللي تخربها
طلعت مره مع صديقتها لمطعم بدون علم احد , كشفتها بالصدفه ولا علمتها انها تدري ابدا
اخر شي اكتشفت ان معاها جوال من اشهر, بس هي تخبيه بمكان ما تدري وينه ابدا دورت و بحثت ولا لقته, المشكله ان اختها اخر مره قالت لو شفت معك شي ثاني مره موضوعك راح يوصل لاخوك الكبير هو يتصرف
و الحين صديقتي كشفتها و لاتدري وش تسوي ما ودها تعذب اخوانها بينهارون و يتألمون و يموتون الف موته
وش الحل مع هالبنت؟؟؟
امها مريضه بالسكر و حنونه جدا و قلبها طيب و لا ودها تعرف بشي
ابوها لو يدري يذبحها
اخوانها 2 متزوجين ما علمتهم صديقتي ابدا
هي تبي طرف ثاني يدخل بالموضوع ,,, طرف يخوفها
يابنات هل الهيئة حل كويس؟؟؟ و دي يأدبونها ؟؟ بس ما ادري ؟؟ اقولها توديها الاحداث؟؟ تفصلها من الجامعه؟؟
ابي استشاره من مختصه كيف تتعامل مع البنت الكذابه هذي اللي مو ناقصها شي و اهلها حنونيين معاها علما ان مراقبتها صعبه جدا... بيتهم فاضي كل اخوانها متزوجين و كل شي متوفر لها. سواق و سياره و فلوس مو ناقصها شي