مين يكلم زوجي بموضوع عودتي له انا ولا اخوي

السلام عليكم ورحمه الله وبركاته
الي تبغا تعرف حقيقة وضعي مع زوجي تقرا مواضيعي كاتبه بكذا موضوع وضعي معه من عمر ولدي الي صار عمره 4 سنوات
الجديد الي ما انذكر اني اشتكيته بالاماره وبعد لفلفه وصداع راس بالجهات الحكوميه طلع اوراقي واوراق ولدي كامله الحمدلله
بس الجديد بالموضوع انه قال للمقدم الي بالجوازات يوم سأله عن حقيقه خلافي معه وليش مايحاول يصلح
كان رد زوجي ان المشاكل كانت بيني وبين اهله هو مابيني وبينه مشاكل ، الحمدلله انه اعترف اني مش معيوبه زي ماكان محسسني ولازااال
المهم الي قاله عن وضعي انه مو فراسه فكره الطلاق وانه حابب يرجعني انا وولدي ولكن مادياته لا تسمح انه يفتح بيت حاليا لانه معسر
انا اتحمست لأن منى عيني يرجعني رغم انه فيه عيوب كثيره لكن يظل ابو ولدي وعيشه ولدي مع امه وابوه احسن من عيشته مع اهل امه والكل صار يتثاقل من شقاوته لأنه بدأ يكبر وحتى صارت مشاكل كثيره بالبيت بسبب شقاوة ولدي وانه محد يتحمله


المهم اخويه عمره 21 سنه اقترح انه بيكلمه ع رجعتي ، وانا اعرف زوجي يكره الي يتدخل ف اموره _ رغم انه اخوي وحقه يتدخل _ لكن خايفه الشيء هذا يكون سلبي عليا .
ودي يرجعني او يطلقني وربي يرسل لي من يتزوجني ويشيلني انا وولدي من بيت اهلي الي صار كبره بالنسبه لي كبر خرم الأبره .


برأيكم اكلمه انا بموضوع رجعتي ولا اخوي ؟
انا اعرف زوجي وشخصيته وافضل اني انا الي اكلمه بنفسي لأني اعرف كيف اتفاهم معاه اما اخوي اخاف يقلبها معاه هواش ويخرب عليا كل شيء لأن زوجي ملسون واخوي ملسون وانا الضحيه
ابغى اتعامل مع الموضوع ذا بكل حساسيه وحرص لأنه من جديد صار يرد عليا بالتلفون اذا اتصلت او اذا ارسلت وصار كل فتره وفتره يجي ياخذ ولده
وحتى انه التزم بعمل ودوام ، يعني احس رجع عقله شوي ،
فخايفه يكون تدخل اخويه الشيء الي يدمر كل ذا .
واخويه يقول الأوجه انه الاخ الي يتفاهم عشان يحس زوجي ان ورايا رجال .
وانا اقول اعرف زوجي لما يدخل احد بيني وبينه يخرب كل شيء ، ممكن يعند ويرجع يتجاهلني انا وولده... لأن اساسا رميه الثلاث سنوات ونص ذي سببها تدخلات اهله بيني وبينه بكل شيء .
الله يفرج همكم لو تعرضوا موضوعي لإستشاره اجتماعيه والله م اعرف احد موضوعي هذا اعتبره حياه او موت ـ لأني لو بقيت عند اهلي كمان شهر زياده ع المشاكل الي تصير بينهم وبين ولدي حتجيني جلطه او انتحر استغفر االله