نادي ليدي كلوب بالشفا

اسعد الله صباحكم اخواتي
انا موظفه بقطاع صحي واعاني من السمنه وسمعت مثلي مثل البعض عن هالنادي بسوق الشفاء مول حيث انني ساكنه بالقرب من هالاحياء .. دخلت بوقت بدايه الدوام ع 4 عصرا تلفت يمين يسار لقيت صفه اجهزه بمكان غير مهياء بان يكون نادي رياضي ( قبو) السوق ..
ووجدت امراه جالسه على مكتب وسالتني هل انتي متدربه قلت لا انا ابي اسجل ولاكن ابي استفسر عن المكان بشكل كامل .. ردت علي وقالت اسفه انا شغلتي بس اجمع الفلوس واشوف الحضور فقط... ( ملاحظه اذا انت مانتي مهيئه للرد على استفسارات كل من يأتي للسؤال لماذا الجلوس في مقدمه المكتب )
قالت لي انتظري المدربه ( مغربيه الجنسيه ) جت وسالتها وكانت على عجل لقرب بدء وقت التدريب..
قلت لها يااختي انا جايه وعندي كذا استفسار عن المكان وابي اعرف كل شي من الالف للياء..
قالت ادفعي 400 وعندك فترات اختاري اللي يناسبك وفي اجهزه ...
قلت طيب والبدايه شلون .... وقمت اسألها اسئله طفشتهااا وكشفت لي انها ماعندها ماعند جدتي ....
اولا: قلت تسوون تحاليل تشوفون نسبه الهيموجلوبين وفقر الدم والسكر والضغط والتحاليل الازمه ... قالت لا...
سالتها : طيب لو تدوخ عليكم وحده .. قالت لا ماراح يصير شي ( تعرف الغيب) واصلا كلهم متان ( تذكرون النظريه اللي تقول سمينه مافيها فقر دم ) ذي للحين تذكرها : )
تنحت فيها وقالت لي بسالها فيها ضغط فيها سكر فيها فقر ونعطيها نصائح ( ضحكتني جملتها ابصراحه )
السؤال اللي بعده : قلت ال مبتدئه كيف تتعاملون معها؟! تجي وتدخل مع البنات على طول قالت ايه ...
قلت شلون اللي توها باديه مع بنات لهم فتره قالت نخفف عنها الرياضه..
( مااقتنعت) ممكن يحطون وقت للمبتدئات .. مثلا الفتره الاولى ..
سالتهاالدايت اللي تعطونه لهم كيف ؟؟!! قالت نفسه يمشون عليه..
انصدمت وقلت نعم شلون نفسه !؟؟ كل وحده جسمها وطاقتها واحتياجها للسعرات يختلف عن الثانيه !!!
وهالشي يؤثر ع الهرمونات ... تجي وحده والده وتبي تنحف او وحده مقبله ع الزواج ويلعب بهرمونات الغده الدرقيه او هرمون الحليب .. وادفعي براا المئات عشان العلاج او يتساقط الشعر .. او تنعدم النفسيه المهم قالت مايحتااااج ومو انتي تعلميني شغلي انا مدربه معروفه (صدقتك) ..
تمنيت وقتها اني قلت لها .. اذا انت مدربه وفاهمه عملك احنا برضه موظفات القطاع الصحي وفاهمين عملنا..
قالت .. اذا عاجبك ادفعي وحياك مو عاجبك مو ضروري .. ويكفي المكان النظيف .. جلست اناظر وقلت ( اخس يا مركز الامير سلمان ) والا ( المناهل )
اولا: قبو
ثانيا: مافي وسائل تهويه
ثالثا: مافي مخرج طواري
طلعت وانا ناويه اتكلم عن هالشي مو عشانهم عشان وربي البنات اللي رايحين لهم .. اوك دايت وريجيم واجهزه اكيد بنتحفين .. يعني اشتري بهالفلوس اجهزه لك افود... وروحي لاستشاري تغذيه يفحصك ويعطيك نظام مدروس.. وامشي عليه ...
والا ماكان سليمان الحبيب تكلف وبناء هالمنشئه..
كان حط له نويدي صغير وسوا مثلهن ...
لي متى واحنا بغفله .. لي متى واحنا نستغل..
شوفوااا هالمقطع وكيف يتكلم عن الدايت وطبيعه الاجسام

يمنع وضع يوتيوب
************
*********
*****