ناويه اسوي في زوجي اليوم مقلب ماراح ينساه طول عمره تعالوا شوفوا وانصحوني

هلا هلا بالحلوات:26:

ازيكم
اختفيت فتره عن تنزيل المواضيع والحين رجعت << محد درى عنك
الصباح نزلت موضوع استشرتكم في رساله برسلها لزوجي
ارسلتها والنتيجه تقريباااا حلوه وغير عن كل مره


المهم خلونا في المهم
انا زوجي مضايقني فيه حاجتين
للعلم هو مافيه زيه طيبه وكرم واخلاااق وحنوووووووووووووون (ماشاء الله تبارك الله))
بس الصفتين هذي رافعه ضغطي
اولها الصلاه يجيه فترات ويتكاسل يصلي صح بس اذا قلتله
واحيانا لا من نفسه يصلي ويروح المسجد يعني باختصار الصلاه مو هامته كثير هذا الي لاحظت بالرغم فيه خير كثير في نواحي ثانيه
الشي الثاني زوجي مو من النوع الي يحب يطلع مع اصحابه نادررررررررررررا مررره
يحب يخرج معايه او نجلس بالبيت بس من بدى رمضان واحد من اصحابه جاء من برى ياليته جلس هناك وارتحنا منه:42: احرق جوال زوجي بالاتصالات كل شويه تعال احيانا يجي عند البيت يقول انا تحت انزل تخيلوا :42:
وزوجي يروح معه وانا خايفه يستمر كذا دايم
اليوم عزم زوجي واخوياه على السحووور انا بنجن توه قبل امس معه وقلت لزوجي مو شرط تروح انت ماعودتني على هالطلعات قال اوعدك بس اليوووم لاني بشوف الشباب كلهم وبعدهاا ماعاد بطلع معه
انا زعلانه ومطنقررررررره
المهم قال بوديك عند صديقاتك او تطلعين معهم
قلت خاص اتفقت مع وحده بتمرني اليوم وبنطلع السوق قال براحتك
هو مايحب اجلس في البيت وهو طالع عشان مااتضايق اكثر وينخفض ضغطي
المهم بعد العشاء بيمره الي مايتسمى وانا بعده بساعه بطلع مع صديقتي
ونويت اسوي فيه مقلب <<<<< اخيرا وصلتي للموضوووووووع الاساسي

قلت برسله رساله وانا برى بقول
(انا طلعت مع فلانه وبروح المطار ماعاد ابغى ارجع البيت مليت من تصرفاتك وتعبببببببت
لاصلاه زي المسلمين وتفضل هالدشر عليه حتى دموعي ماهمتك عموماا اغراضي الي باقي
اشحنها)

زوجي متعللللللللللللق فيني مرره والاخص بنته بينجن عليهااااااااااااا
يعني هالرساله راح تهزه هزززز
واكيد بيرجع يدق وبعطيه مشغول وبنستمر عالمسجات لين اخليه يفحمممممممم اخر شي بقول مقلب
عاد تخيلوا يقول الله يستر عليك :) ههههههههههههههه ام الحاله بنجلط
لا لا انا اعرف زوجي هذي نقطة ضعفه مرات اجيبها بالتلميح ينجننننن
وش رايكم؟؟؟؟
ابغاه درس قووي له عشان يصلي مضبوط وفي اوقاتها ويخلي الي مايتسمى كش عليه سبب مشاكل في بيتي :44:










:44::44:
والله اني استحيت من درودكم
حسيت اني خبله
وهذا طبعي ماتغير دايم متسرعه في قرارتي لدرجه كتبت الرساله العصر بجوالي ونزلت الموضوع المغرب وبعد ماقريت الردود استحيت على وجهي ورحت مسحتهااا
خلااااااص ماراح ارسلها والله انكم صادقين في كلامكم
بس لاتواخذوني انا طبعي عصبيه ومتسرعه في قراراتي ودايم تفكيري بقلبي
:09:
الله لايحرمني منكم يااغلى خوات
والله لاادعي لكل من ردت عليه
الله يوفقكم