ناوي يكمل ظلم حسبي الله ونعم الوكيل

هذي صديقتي وتبي منكم الاستشاره


تزوجت من١٢ سنه وعندي بنت وولد وزوجي اكبر اخوانه ومن اول شهر مشغول باهله مع ان عنده اخوان وابوه عايش وبصحته المهم مرت سنين حياتي وكأني زوجه ثانيه مشغول كل وقته مع اخواته وامه ولهم الاولويه في كل شي لدرجة المبالغه والظلم لي ولحقوقي تزوجو اخواته واخوانه كلهم وهو اللي تكفل بكل شي يخص زواجاتهم وخطوبتهم وملكاتهم كأنه ابوهم مو اخوهم هذا غير السفريات والاسواق والمستشفيات وكلل شي صار مشاكل كثييير وتدخلو اهلي لانه نساني انا وعيالي تماما اهله مو معطينه فرصه يقوم فينا بس مافي فايده واهله مستغلينه لآخر نفس لانه اطيب عكس اخوانه ومايقدر يرفض طلب لهم كلمته كذا مره ان حرام اللي يصير ولو انه مشغول كذا كان خلاني ببيت اهلي وماتزوجني لانه مو فاضي لي ولعيالي ابدا قالي اصبري لين يتزوج اخر واحد في اخواني واعوضك واتفرغ تزوجو اخواته واخوانه كلهم وكنت مستانسه انه خلاص راح اعيش مثل الخلق جاني من اسبوعين قالي خلاص من اليوم انا صرت مرتبط بامي وابوي لان اخواني كلهم تزوجو وماعاد فيه روحات وجيات وابيك تقومين فيهم وماتقصرين وفعلا بدأ يطبق كلامه امي نادتني مرتين ورفض يوديني يقول امي لوحدها !! يصحيني من النوم يقول انزلي اجلسي مع اهلي !!اطبخ يقول احسبي حساب اهلي فالفطور والغدا والعشا !!!ماطلعنا حتى فالويكند يقول صعبه اطلعك وامي وابوي فالبيت لوحدهم روحي لهم!!! عندهم خدامه وبناتهم يزورنهم تقريبا يوميا وانا مو ساكنه معاهم عندي شقه ، خلاص طقت نفسي انا وحده احب الحياه احب اروح واجي ماحب ارتبط بأحد وهالرجال بيدفني حيه انا ارفض قراراته وهو يقول هالشي بالغصب مانتي مخيره هذول اهلي ،، افكر اطلع من البيت لان الوضع ماينسكت عليه استغل طيبتي وصبري عليه انا مو كبيره عمري ٢٨ ابغى اعيش مثل الاوادام 😭😭😭