نحفت لكن ذا الشي مضايقني 😞

السلام عليكم كيفكم
ببدى بموضوعي من بداية زواجي كان وزني بالأربعينات بعدها بسنتين متنت وقعدت كل سنه ازيد كيلوات لحد ماوصلت 67 المهم جسمي عادي صح متينه بس اشوف مرتب كله الا منطقة الصدر كانت كبيره بشكل كان هو الوحيد الي يسمن اكثر شي المهم مريت بظروف والحمدلله على كل حال نقصت كثير وصلت اللحين 53 كيلو اش اقولكم جسمي ماشاء الله صار حلو وصرت البس مقاسات صغيره حتى يديني عظام ووجهي نحف مره في كرشه من الولادات جبت اثنين بس احس تهون اقدر اخفيها بالملابس لكن الورطه بصدري يابنات 😩 كم خسرت فساتين وموديلات ف النهايه يطلع شكل صدري فيها مو مرتب واتضايق وماعد البسها بذات فساتين شي ان كلها مفتوحه من الصدر والبس بدي تحتها ويخرب شكل اللبس المهم جربت جميع انواع حمالات الصدر وشفت اللي فيها اسفنج ماتنفع لي تزيد حجمه وصرت اخذ العادي الي بدون اسفنج بس احسها تنفع للبيت ماتنفع لفساتين وبلايز تكفون عندكم حل ذا المشكله متأزمه منها من سنين والله🥺💔💔 دايم اشتري حمالات ياتجي كبيره او صغيره واليمين كبير مره اشوف اليسار اهون مرتب
كنت البس مقاس 40 c واللحين اخر مره اخذت من ردتاغ الي تجي بدون اسفنج والحمالات الي فوق عريضه ومقاس 36c جت كويس بس مو مريحه احس
يعني يحتاجلي انحف زياده عشان يصغر ولاكيف ؟؟ احس ملفت للنظر وانا اخاف والله من عيونهم بذات عايلتنا اعوذ بالله منهم
يارب يصغر عادي امتن وهو لا حتى صرت احافظ على اكلي عشانه والله يابنات الصدر الصغير ف الملابس يطلع حلو ماشاء الله 💔💔 لكن هذا مخرب علي حتى شفت مقاطع باليوتيوب انو لازم اختار ملابس غامقه ومن عند الصدر مافي تطريز ولاشي عشان مايكون ملفت بس طفشت من الأسود والألوان الغامقه 🤥💔
مين مثلي وعندها حل لي كثير اشوفهم متان وماعندهم صدور ماشاء الله كنت كذا بداية زواجي عندي بس مو زي اللحين يطفشني لاتشيرتات تنفع ولاشي لازم اكبر المقاس وحتى اذا كبرته يبان ضخم واحب حركة الملابس الي مقفله من فوق بس ماتضبط لي تزيد حجمه 🥺
وصديقتي زمان كانت مررره مرره متينه وصدرها طايح لبطنها سوت تكميم ماشاء الله تبارك الله والله اختفى وتلبس اصغر مقاس يعني بفهم اش المشكله انو مايرجع زي زمان🥴