نداء الى المشرفات والعضوات برنامج اشراف النقاط ممتع وضابط للموقع

لسلام عليكم جميعآ بنات حوا
وحريمهم هذا برنامج تتبعه بعض المنتديات الكبيره وكان
سر في رقيها
اكيد بنات انكم لاحظتو من بعض البنات شطحات في ردودهم
هذا البرنامج يطبق عليه نقول موضوع وحده تشكي من اخلاق وحده فتجيك آنسه مدررررعمه قد ضربت فيوزاتها عنان الارض والسماء وتخربطت علومها وتعلق تعليق ما ابوه داعي
بس اقولكم والا ماراح اقول شي خليني اوفر تعب هالاوصيبعات؛ المهم هذا مثال من بين اكوام الامثله اللي من المواضيع الحلوه مضمونآ ويتطاقون واللي ينرفع ضغطها وبعد ينخفظ وبالنهايه ينفطس الموضوع بين المواضيع المنغلقه
وآلحين نجي للجد هذا برنامج يعتمد اولآ على موافقة الاداره اللي اكن لها جميل الاحترام والتقدير الله يوفقكم للخير جميعآ وثانيآ على المشرفات الأمينات،، هذا بالله وشلون-
لكل عضوه عشرة نقاط
مثلآ اللي تتعرض للدين الاسلامي يخصم منها نقاط-

المساس بالعقيده الاسلاميه والتعرض للانبياء والصحابه تخصم  نقاط

اللي تجرح بخواتها وتكتب الفاظ سيئه والفاظ نابيه تخصم نقطتين

اللي تتحيز من الدول الشقيقه وذكرها بسوء تخصم كذا نقطه

اللي تذكر شئ يمس بخادم الحرمين الشريفين والاسره المالكه بسوء تخصم كذا نقطه

وضع الصور الغير لائقه تخصم

وهكذا وهلم جرا- وانتم يالاداره تقيسون
وإذا خلصت على العضوه هالعشر نقاط تنطل برا هالمنتدى غير مأسوف عليها

طيب يا بنات حوا وش رايكم بها البرنامج هل ممكن يمسح هالظواهر السيئه
وأذا طبق كيف بيكون الحال أتمنى آرآئكم اللي تنحط بعين الاعتبار
وهل ينفع يا إداره تسوون تصويت الصراحه اشوف نفسي متحمسه

سبحان الله وبحمده
استغفر الله وأتوب اليه

مع احترامي للجميع/ام الأمير