نداء للأخت حزن وباقي خواتي بنات حواء

بسم الله الرحمن الرحيم
السلام عليكم ورحمة الله وبركاته

أختي حزن سامحيني بغير أسمك وبقولك فرح {أسأل الله العظيم رب العرش العظيم ان يجعلك من سعداء الدنيا والاخره}
تدرين ليش بقولك فرح لان لي كم يوم مقصره في بعض الطاعات وحاسه بضيق وحزن وبعد ماقريت موضوعك سجدت شكر لله لانه هداني لقراءة موضوعك وجعله تنبيه لي من غفلتي والحمد لله جددت توبتي لله وحسيت بطعم الفرح والسعاده والفضل لله عزوجل ثم لك عشان كذا بقولك فرح وبدعي ربي انه يجعل كل ايامك فرح وسرور
وعندي فكره حلوه أسأل الله عزوجل انه يعينني على تنفيذها واتمنى منك يأختي فرح وباقي خواتي الغاليات بنات حواء انا نتعاون ونسويها
كل وحده عندها موضوع او بتنقل موضوع تكتب في بداية الموضوع تذكير او نصيحه اوحديث وكل وحده تدخل الموضوع وتستفيد بيكون في رصيد حسناتنا وبكذا نكون أستفدنا من كل الجوانب الدين وأهتمامنا بأنفسنا
لأن للأسف الي يدخل قسم الجمال أضعاف أضعاف الي يدخل القسم الأسلامي
وأهتمامنا بالبشره والشعر والجمال صار من أولوياتنا في الحياه والدين صار مايمثل الا 10%من يومياتنا هذا اذاماكان 5% ومن نرفع روسنا من المخده لحد مانحطها عليها وحنا يا نت والا تلفزيون والاتفرك بها البشرات ويادوب اذا سمعنا الآذان قمنا وصلينا على عجل ورجعنا مانفكرنجلس شوي نراجع حساباتناكم قرأنا من القران كم سبحنا كم أستغفرنا وش قدمنا لله عزوجل خدمنا ازواجنا وأولادنا وخدمنا بنات عالم حواء بالمواضيع الحلوه والمفيده بس وش قدمنا خدمه للدين الأسلامي هل حاولنا نوزع منشورات أومطويات أونسحب من النت مواضيع دينيه ونوزعهم بالطريقه الي نستطيعها بالمدارس أوالمساجد أوحتى الأسواق واذا كان عندنا شغالات على غير الدين الأسلامي هل حاولنا ندعيهم للأسلام ونكسب أجر ونساعد في نشر الأسلام اذا رجعوا لبلادهم يا نكلمهم مره وحده واذا مانفع نقول وحنا وش علينا منها هذا اذا ما طنشنا بالمره وأشياء كثيره نقصر فيها
ونلهث وراء الجمال والتجميل حتى مانهتم بحلاله وحرامه من فتاوى هيئة كبار العلماء نلقط اقرب فتوى من اي شيخ ونقول الشيخ الفلاني حللها:icon33:
واخيرا اتمنى انا نراجع حساباتناونجعل الدين أول أهتماماتنا والله يوفقني ويوفقكن لما يحب ويرضى