أحلى سلام لأحلا بنات
لأني شفت كثرت السؤال عن الحليب المركز وبدائله
قلت انزل لكم تجربتي مع النستله المنزلي
سويه في بيتك وما راح تفرقي حتى طعمه وانا معتمده هذي الطريقه منذو مبطي وما راح تلاحظوا الفرق
وقد ذكرت هذي الطريقه في احد الردود
ولأني شفت كثرت السؤال علشان
حلويات رمضان والجمعات وغيره
قلت يابنت اسدحي الطريقه في موضوع علشان تعم الفايده الجميع
وخلي نستله في كبد اهله
المكونات
علبة قشطه ارخص نوع
ثلثين الكاس حليب بودره ارخص نوع اللي بالكيلو
ثلثين الكاس سكر مطحون
اخلطيها بالملعقه السلك حتى تتجانس وشوفوا الطعم قريب جداً جداً :)
ملحوظه
الحليب بالكيلو ارخص
اعتمديه للحلويات والمعجنات :)
وبالعافيه على قلوبكم
اللهم بلغنا رمضان
وأعنا على استغلاله الأستغلال الذي يرضيك عنا
دمتم في حفظ الرحمن