اولا اذا كنت مسافره الى اوربا راح اكتب لك اهم نصيحه وهي اذا اشتريتي اي شي من اي مجمع سواء ملابس اكسسوارات او ساعات لاتنسين تاخذين فاتورة الضرائب منهم لاان فيها ارجاع 13بالميه من قيمة مااشتريتيه بالمطار نقدا ومو مهم المكان اللى تشترين منه يعنى البلد يعنى لو اشتريتي من ايطاليا او فر نسا او جنيف ممكن تصرفينها في المطار اللى بتطيرين منه لبلدك واهم شي انك تحضرين بدري علشان تخلصين من اجراءت استرجاع النقود لاانه فيه زحمه شوي في المطارات وخصوصا من الصينيين لاانهم بالالاف هناك وبعطيك مثال :

اشتريتي اغراض بعشرة الاف ريال مثلا من مجمع تجاري اطلبي منهم فاتورة الضرائب وفيه مكان عندهم مخصص لهذا الشي يعنى قسم خاص بيعطونك اياه بظرف تاخذينه انت وتقدمينه للمسؤؤلين في المطار وبيرجعون لك كاش فلوسك ولو حبيتي بيرجعونها على بطاقة الفيزا اهم شي لاتطلعين من المجمعات في اي بلد اوربي الا وفاتورة الارجاع معك .

.....................................

ثانيا اذا كنت ناويه تاخذين جولة وعندك بس شهر وهذا يكفي وزيادة في اور با انا راح ارسم لك خريطة سير حلوه
اولاا تجلسين في فرنسا اسبوع لاانها ماتتحمل اكثر وخصوصا انها نار الله الموقده تخيلو ماي الصحه الصغير بثمان ريال والببسي بعشره المهم اختاري تسكنين في منطقة الاوبرا لاان الاسواق كلها هناك ولاتنسين التجول ليلا في الشانزلزيه وزيارة اللوفر ود\يزني وملاهي استركس وابولكس بعد كذا روحي لمكتب سياحى مشهور واقطعي لك تذاكر قطار يورو الى ميلان وزمن الرحله بالقطار تقريبا سبع ساعات واجلسي فيها يومين لاانها ماتتحمل اكثر من كذا وزوري محلات الماركات فيها لاانها خياليه بعد كذا اقطعى تذاكر الى فينيسا جزر البندقيه واجلسي فيها 3 ايام وزمن الرحله بالقطار 4 ساعات بس الرحله بالقطار من فرنسا الى ميلان رهيبه مناظر خياليه ماتوصل الا وعيونك خضر مو طريق الدمام الاحساء ماتوصل الا عيونك صفر طبعا في الرجعه تكون على روما لو حبيتي 5 ايام واذا رجعت بالقطار الى فرنسا روحي الى بريطانيا 4 ايام بالقطار طبعا وزمن الرحله 3 ساعات بس رحله جميلة جدا وخصوصا اذا نزلت تحت البحر طبعا ماراح تشوفين البحر بس احساسك المهم اهم شي انك تاخذين فيزة لبريطانيا من بلدك قبل تسافرين لاان نظام بريطانيا غير ,طبعا ممكن تروحين بالسيارة مع زوجك واولادك تستاجرونها ويسوقها زوجك او والدك من فرنسا الى جنيف وزمن الرحله 6 ساعات من اجمل الطرق اللى شفتها بحياتي بس اهم شي يوافق سفرك الى جنيف موعد كرنفالهم اللى يستمر 3 ايام لاانه من احلى الكرنفالات وخوصوصا للاطفال واخير اي سؤال عن اي اماكن او مطاعم او العاب انا حاضر ومن عيوني