بعد كم فتلة في هالمنتديات والمجلات .. ومتابعة دكتورة جويل خخخخ
اضافة الى خبرتي الخاصة>>>> طسي بس
تفتق ذهني عن كم نصيحة حبيت انقلها لكم>>> ياهووو
- اهم شي وصلتلو اني ماستخدم اي ماكياج مو معروف على بشرتي .. ( لاتقولو قديمة ) .. انا ماتكلم عن الاساسات والبودرة .. هذه مفروغ منها .. الي اقصده علب الشادو والاضاءة الي نشوفها في اماكن التجميل العادية وتعجبنا الوانها ونشتريها
.. كم لطخة منها في المناسبات مايضر .. بس المصيبة الي تستخدمها بشكل دائم .. هذه على المدى الطويل تعدم البشرة
- يوم يكون عندي مناسبة .. هو يوم دلع لبشرتي ..
ماسك خفيف من الشوفان والعسل مع الحليب ...
ولما كنت اسويه بنفسي بالبيت كان احلى
وشوفي النظافة >>> بس لازم قبل الماكياج بكم ساعة عشان ترتاح البشرة
- قبل الماكياج بنص ساعة انظف وجهي ورقبتي بغسول سانت ايفز
احيان استعمله هو كقناع بس مو اكثر من 10 دقايق ..
يشيل لك البهتان الي في البشرة .. وأثار الطبيخ خخخ
بس انتبهي .. على طول ادهني وجهك ورقبتك بكريم مرطب
انا ماعندي كريم .. ولا افكر اشتري ( مع اني قد مدحت المرطبات من بودي شوب )
بس من لما استخدمت زيت الزيتون .. وشفت نتيجته .. بصراحة ندمت على عمر بشرتي الي راح بدونه .. نعومة حتى بعد ماتشيلي الميك اب
استخدمي منه كمية معقولة على وجهك ورقبتك ..
لا تخافي اذا بشرتك مو دهنية مرة ( هذه لها معاملة خاصة ) ماراح يزيتها لك
بعد عشرة دقايق امسحي الزايد منه .. وشوفي الصفاء .. ودك تروحي كذة .. وتقولي حرام اعدم بشرتي بالماكياج >>> تروه يحمر الخدود مع المداومة عليه قبل النوم
- حركة اني انثر بودرة بيضا تحت العين لما احط الشادو تعبتني ..
مو الكل يزبطها .. وبرضو لازم ارجع ازبط وجهي
ريحت نفسي وسرت امكيج العين واخلص .. وبعدين احط الاساس
جربوها .. صدقوني مريحة
طبعا لما تجي عند حد الجفن السفلي حتلاقي في البداية صعوبة .. بس انت هنا خليكي دقيقة.. مرري الفرشة أو الاسفنجة بمحاذاة الشادو
( الصقي في المراية عشان تشوفي ) ...
بعدين اثني اسفنجة البودرة .. وخذي شوي بودرة .. وبنظافة ومرونة امسحي بها ..
حتلاقي ان شغلك كذة اسرع وارتب من انك تنثري بودرة بعدين ترجعي تنظفي .. طب لما ينتثر شوي من الشادو الاسود او الغامق على خدك ولا خشمك ( الا ماتحصل ) ايش تسوي
اتعلمو طريقتي حتلاقوها انظف واسرع
- لما تحطي الاساس على بشرتك خلي حركة يدك ياعلى اسفل او بالعرض
.. مو لفوق .. ليش .. شوفي الدكتورة جويل شو عم بتئول " كيل الناس عندا وبر بوشا .. فلما تمدي الفونديشن عفوء بيدخل تحت الوبر .. وبعطي شيكل منو حلو "خخخ
الترجمة : كل الناس عندهم شعارين في وجههم .. لاتلطخي الاساس فوق وبكل اتجاه عشان مايبان الشعر ....
تبغو الحل .... احلقو احسن لكم خخخخ
- وحدة من الاخوات في المنتدى نصحت بخلط الاساس مع بودرة لامعة
ايش سويت انا ..
عندي ستروب كريم من ماك
( بشرتي عادية لجافة ) احطه قبل الاساس .. عندي اساسين فاتح منpupa ومتوسط من بودي شوب ..
ناسبوني من ناحية النوع .. بس واحد افتح بكثير من بشرتي والثاني اغمق
ماحبيت ارميهم .. فسرت اخلط نص من ذا ومن ذا مع اضاءة سائلة من بودي شوب ( البيضا )
وبودرة غليتر (ملمع ) جسم
يسير عندي مزيج رااااااااااااائع .. ولامع كمان .. اذا كان مكياج سهرة .. اختصري وكثري البودرة الغليتر من الان
من بعده بس استخدم البودرة الحرة
- بعد ماتحطي اساسك والبودرة .. حطي البلشر على طول قبل ينشف الاساس ... وبكذة يثبت
- اختي بشرتها مختلطة .. وفيها شوية حب شباب .. الله يهديها مو راضية تاخذلها اساس مناسب .. ماتحب الماكياج خلقة
ايش سرت اسويلها في المناسبات ( لأني عارفة ان في كثير من الي في سنها زيها ماعندهم ميك اب .. واذا جا وقت المناسبة ولولت )
المهم .. جربتلها من اساساتي الي عندي .. كذا نوع .. ابدا ماناسبها السائل ..
ولا البودرة المضغوطة .. الا اذا على خفيف بالفرشة .. طب ماتغطي كذة
صارت ( وهذا اذكره للفائدة ) تغسل وجهها بسانت ايفز .. وترطب وجهها
بعد كذة ... كونسيلر على كل بشرتها .. وبكثافة عشان يغطي .. هي ناسبها القلم حق بودي شوب على طول بعد المرطب عشان ينمد بسهولة
بعد كذة البودرة المضغوطة بالفرشة
- للمبتدئة في الشادو .. في طريقة خطيرة تعطي نور للوجه واتساع للعين .. وكمان حلوة ..
حطي شوية كونسيلر على عينك .. او اساس .. بعدين خذي من اللوس شادو ( الي يستخدم للإضاءة ) ..
او ملمع الجسم .. ووزعيه على كامل جفنك
ثم موهيه الى تحت الحاجب .. والافضل يكون على سكري .. ذهبي أو حتى خربزي .. اذا انتثر حولين عينك عادي نظفي بالبودرة ..
بعد كذة بالشادو الغامق حددي بوضوح اسفل عينك .. ابدأي من قبل زواية العين الداخلية .. بعدي عن الزاوية بمقدار واحد ملم ..
والعكس عند طرف العين .. مدي الظل على برة ..واسحبيه شوية لأسفل ( ماأقولك خط .. لا ..ظل ) لأنك حتشتغلي بفرشة نحيفة
وحتموهي الخط على خفيف مع المحافظة على قوة وضوحه
بعد كذة .. حطي طبقتين .. ثلاث ماسكرا .. وشوفي اتساع العين كيف .. غير عن انه مظهر طبيعي وفرش .. ينفع بالذات للي عيونها ذبلانة
حطي روج غامق او فاتح مع هذا الشادو
.. ماحتفرق .. بس احس الغليتر الفاتح ينور الوجه أكثر
- نقطة كمان احب اضيفها .. لاتحطي كريم الاساس على الخطوط والتجاعيد الي في وجهك .. خطوط الجبهة .. والخطوط الي حولين الفم .. هذه حتبرز اكثر مع الاساس .. فيكفي شي بسيط من الاساس عليها لاتكثري
- لما يزيد اساسك .. كل الي عليك انك تجيبي منديل وتفرديه على وجهك .. وتضغطي عليه .. حتلاقي ان الزايد راح في المنديل
- وحدة من صاحباتي حواجبها( تلف) .. الشعر مو مرتب ..
ولأنها قليلة ماتقدر تشقر .. ايش تسوي
تستخدملها اي جل للتثبيت ..
مرة شفتها تستخدم ( غلوس ) ..
وبحرفنة ثبتت حواجبها .. بعد مانشف الجل .. رسمت حواجبها
الله يعطيك العااافيه