نصوم نصوم ثم نفطر على ماء بدون تمر!!!!

مرحبا حبيايبي
مقهورة لاني احس اني بعيش طول عمري في حرمان عاطفي المشكلة اننا حنى يالحريم كائنات عاطفية وان مالقينا الي يحتوينا نذبل
تزوجته والاسبوعين الاولى رومانسية مافيه كلمة حلوة او مدح فيني مافيه رغم اني كنت قبل العرس كنت محلوة اكثر بس قلت يالله يمكن مايعرف


بعد شهرين من الزواج احس بجفاف عاطفي اجيه بالتلميح مايفهم او يستعبط مثلا عنده 8عطورات وكلها ماركة ماعمره رش منها عندي حتى في يوم الزواج واقوله ماشاء الله عطورك تدوخ احب اشمها واو اكيد اخوياك يقولون وش هالريحة الحلوة وانا في نفسي اقول وانا يابو الشباب مو من حقي اشم ريحة زينه:humm: اقوله الاحتضان يقي المرأة من مرض القلب قال طيب كثري منه وراح وخلاني اقوله انت حارمني منه سكت وطنشني قبل مدة حسيت اني بحاجة للحنان والدفء وووو ثم قربت منه واشوف الرجال الصبح يقول بنحط حاجز بينا او سرير لك وسرير لي بعدها جاني ومعه لحافين وانا اقول في نفسي ياخي خلها لحاف واحد ابحس بحنانك قبل يومين كنت متسبحة وبردانة ورحت نمت في جهته لما دخل قلتله عادي انام في جهتك قال لا وانصدمت ورحت نمت برا الغرفة قال زعلتي قلت لا بس مابي المكيف وسكت وامس دخل وشافني بنام وشال رجولي وبعدها عن جهته وقال خليك كذا عاد انا كنت مطلعه لحاف كبير لنا يالاثنين فقام وفتح الدولاب وطلع لحافه وتلحف وتركني قلتله خلاص انا بنام برا عشان ماحشرك ودي اصرخ في الريجيل واقول حرام عليكم فكروا احنى ليش متزوجينكم اي نبي السترة والاستقرار بس في المقام الاول نبي ننشبع عاطفيا انتم لو تشوفون الزلة منا رحتم تدورون العشيقات وتزوجون علينا طيب وحنى وش نسوي ؟؟؟؟؟؟
نقرأ عن شخصياتكم وكيف نثيركم وننظف البيت ونعطره لكم ونختار اجمل العبارات ونتعلم انماط الشخصية عشانكم ونحاول نفهمكم ونرضيكم ومن صغرنا نعرف الرجل يحب كذا ومايحب كذا وانتم ماتعرفون اهم حاجة عندنا وهي اننا نسمع كلام معسول ونحس بحنانكم لو تمثيل راضيات ماعليه
عجزت وانا احاول افهام الي عندي مرات بالتلميح واحيان بالتصريح المبطن
بس الشكوى لله انا مدري بعض الحريم الي يقولن نامي وانت حاطه راسك على صدره تعالي يمه واحضنيه البسي مشخلع وتزيني بينهبل بيطيح عند رجولك ابسئلهن من اي كوكب متزوجات؟؟؟؟