نظام يساعد على الحمل بإذن الله ..

اللهم إنك قلت (ادعونى أستجب لكم) وإنك لا تخلف الميعاد وإنى أسألك ألا تحرمنى من الذرية الصالحة يارب لا تذرنى فردًا وأنت خير الوارثين..

،،
بسم الله ، هذا اول موضوع انزله في القسم اتمنى يكون فاتحة خير لي ولكم 🤲🏻🌧
________

اول شي واهم شي لازم نستمر ع ادعية الحمل والاستغفار والحوقله والصدقه وقراءة القران والوتر والدعاء ..
________


حبيت اشاركم بالنظام اللي راح اسويه للحمل بيكون مدته شهور ع حسب اللي مو مهتمه برحمها راح تجلس فتره عشان الرحم ينظف ويتهيء للحمل..

اول حاجه لازم تتاكدين من الدكتوره لو كنتي تاخذين ادويه ،، نظامي كله اعشاب وان شاء الله مامنها ضرر مع الادويه لكن الافضل استشيري دكتورتك اللهم بلغت..

بقولكم مشكلتي ضعف تبويض والبويضه حجمها صغير وكانت معايا تكيسات عالجتها لكن تركت الادويه من فتره طويله ف مادري اذا رجعت التكيسات ولالا..

بالنسبه لزوجك لو عنده مشاكل خليه ياخذ عسل جبلي مع طلع النخل وحبوب اللقاح وغذاء ملكات النحل والجينسج ..

——-

في ايام الدوره لازم نهتم بالمشروبات قرفه وزنجبيل وبردقوش وميراميه حتى بعد الدوره الى يوم ١٤ونوقف ..

——-

جدولي كالاتي..

١/ عسل جبلي مع غذاء ملكات النحل وحبوب اللقاح وطلع النخل يخلط مع العسل .. الطريقه ملعقتين او ثلاث باليوم من بعد انتهاء الدوره الى اليوم ١٤ فقط

٢/ هذي النقطه اختياريه لكن حبيت اضيفها بجدولي ..
من بعد انتهاء الدوره الى اليوم ١٤
( علبة زبادي مع ربع ملعقة حب رشاد وسمسم .)
هذي الخلطه مفيده لتكبير البويضات بس انا سمعت انه كمان الخلطه ذي للي تبغى الحمل ببنت و الله اعلم لكن انا ماتفرق اللي يجي من الله راضيه فيه..

٣/ احسبي من بداية الدوره الى اليوم ١١ و ١٢ لما توصلي اليومين هذي نستخدم خلطة عباره عن ( ٥ حبات تمر وربع ملعقه من القرفه والزنجبيل وحب الرشاد وحبة البركه وكمون حب )
تؤكل مع التمر او تخلطيها مع عسل ..
بس تستخدميها في يوم ١١ و ١٢ ..


هذا الجدول يتكرر كل شهر بعد انتهاء الدوره ..
——-

# ولا ننسى نهتم بالمشي والرياضه والاكل ..

# كاسات الهوا و الحجامه يقولون تعالج تاخر الحمل اللي جربتهم تقولنا تجربتها..

::

مين تبدأ معايا ؟