سلاام ياحلووات ... ذي افكار لطشتها من موضوع طووويل .. وحبيت اشاركم فيها
\ المكتب التعاوني للدعوة والإرشاد وتوعية الجاليات /
طبعا هالدعوة فيها العديد من ابواب الخـير
وهذي بعض مشاريعهم
كفالة مسجد : 500 ريال
تفطير الصائم ودعوته : يفطر المكتب يوميا 1500 شخص مع برامج دعوية بـ 7 ريال للشخص
كفالة داعية في رمضان : يقوم بإلقاء دروس يومية وترجمة كتب ومطويات بـ 1500 ريال
طباعة : كتاب الصيام بـ 1 ريال للنسخة
نسخ : اشرطة دعوية بـ ريال للنسخة
هدية دعوية بلغات مختلفة : بـ 3 ريال فقط
100 كرت دعوي : بـ 8 ريال
10 اشرطة دعوية : بلغات مختلفة بـ 11 ريال
دروس رمضانية (50) ورقة بلغات مختلفة بـ 1 ريال واحد
لوحات دعوية / بيع وتأجير
وفيه مشروع على مااظن اسمه اشتراكات المنازل
العمرة : قافلة يومية تضم 50 شخص على مدار الشهر بـ 70 ريال للشخص
طبعا اذا عمّرتي/ عمّرت غيرك برمضـان فلك نفس الأجر ( الدال على الخير كفاعله )
وذا اللي قصدته عمرة وانتي /انت ببيتك وبسريرك بعد ..
وذا رقمهم 4922422 وعندهم ارقام حساب للزكاة و الوقف والتبرعات ..
\
/
\
ختم القرآن
كان واحد يخـتم القرآن 60 مرة برمضان .. على مااظن انه الشافعي ..
ماقولكم اختموه 60 مرة .. بس على الأقل مرة وحدة
وبصراحة كنت بحط لكم جدول بس للأسف عيا يشتغل مدري وش فيه
.. فيه طريقة انا احسها فادتني في حفظ بعض الايات .. وهي انك تتدبرين مع تلاوة الامام اللي تصلين معه التروايح وتتابعين معه .. ترا والله جد بهالطريقة اكتشفت اني حفظت ايات كثيرة .. بس لاني سمعت الامام وتابعت معه
/
\
/
التبرع بالدم
طبعا يعتبر من الصدقـات الجـارية
يعني ممكن تتبرعين بدمك لشخص .. وبالتالي كل صلاوته ودعائه واعماله الخيّرة هو وعياله وعيال عياله .. بميزان حسنــاتــك
واللي يبي يتبرع – على حسب معلومـاتي –
انو فيه مكانين .. بنك الدم اللي بمستشفى التخصصي .. ونصحيتي لاتروحين لحالك انت وامك .. روحي ومعك رجـال لأن ترا محد معطيك وجـه ومنتب لاقية غير الشرشحة لو رحتي لحالــك مع امـك
ووماعليك لو مثلا لقيتي نظرات استهجان يوم تقولين ابي اتبرع .. وسألك لمين .. تقولين أي احد مافيه شخص معين .. لان اغلب اللي يجوون يتبرعون لأشخاص يعرفونهم ..
وو يفضـل انك تكلمينهم قبل لاتروحين عشان تسألين عن الاوراق المطلوبة
على مااذكر انهم يطلبون منك اثبات سواء بطاقة العائلة مع( احوالك ) او جواز سفرك .. بس ماني متأكدة والله عشان كذا كلموا واستفسروا
وهذا رقمهم 014424279
المكان الثــاني هو مستشفى سرطان الدم للأطفال
بصراحة ذا تعبت وانا أسال عنه وعن موقعه ..بس كل اللي قدرت اعرفه اتوقع اسمه متستشفى الملك فهد للأورام السراطانية .. ويقولون قريب من حي الربـيـع عاد اللي يعرفه يحط لنا رقمهم
الخلاصة انهم بحاجة لتبرعكم بالدم ..
الله يشفي كل مرضى المسلمـين
/
\
/
الأيتــام
طبعا فيه طريقتين لــهــم
1-بالكفــالــة : رقم تلفون 2055555 .. تحويلة 512
2-او انك تروحين للدار نفسـه .. ولازم تكونين انتي ومجوعة بنـات ويكون بإتفاق مسبق مع الملجأ .. يعني تجيبون معكم العـاب .. اكل من مطعم .. أي شي.. عاد واذا هم بيحتاجون منكم شي بيطلبونه قبل لاتجون ..
وطبعا للعمل ذا ( ادخال السرور لقلب مسلم ) اجر كبير
\
/
\
المطويــات
اعرف وحدة من البنات قالت لي قصة صارت لها ..
تقول مرة كنت راجعة من المسـجد ولقيت ورقة دينية مرمية بالشارع
تقول وشلتها معي عشان محد يدوس عليها .. وقريتها وكانت ورقة فيها بعض الاذكار والادعية والنصائح .. تقول عجبتني وقلت بصور منها كم نسخة وبكرا باخذها معي للمسجد .. وسوت اللي قررت عليه ..
السنة اللي بعدها تقول مسكت فيني حرمة وقالت يوووه وينك انتي الله يجزاك خير( البنت تقول لي والله ماعرف الحرمة ولااذكر وجهها) .. قالت لها الحرمة انا شفتك ووانتي تحطين ورقة فيها الاذكار ... واخذت وحدة منها ومن يومها وانا مداومة عليها .. عاد بغيت اشكرك بس انتي ماعاد جيتي للمسـجد ..
بقية كلام الحرمة سواليف بس المهم ان طول السنة البنت جاها كل هالخير وهالحسنات وهي ماتدري وناسية اصلا اللي سوتـه
\
/
\
وبعد بالنسبة للأكل يعني اذا زاد عليكم الاكل بدل ماتكبونه فيه جميعة ( اسمها المبرة على مااظن وناس يسمونها الجمعية الخيرية ) تجي للبيت وتاخذ اللي زاد وتفطر فيه ناس
بس صراحة ناسية رقمهم من شان هيك اللي عنده فكرة عن هالشي ليت يحط لنا الرقم هنا
/
ودعواتكم لي .. : )
منقووووووووول
قمرررهم كلهم @kmrrrhm_klhm
عضوة فعالة
يلزم عليك تسجيل الدخول أولًا لكتابة تعليق.
سابرينا يابعدهم والله اميييييين وايااك دعوتك عجبتني : )
ايه ياقلبي بالسعودية .. بجيب لك ارقام حساباتهم ويمكن تقدرين ترسلين لهم .. : )
ياسمين ..
واياك ياقلبي : )
ايه ياقلبي بالسعودية .. بجيب لك ارقام حساباتهم ويمكن تقدرين ترسلين لهم .. : )
ياسمين ..
واياك ياقلبي : )
الصفحة الأخيرة
هاذي في السعوديه ؟