قرأت باحد المنتديا وحبيت افيدكم وفعلا صارت حقيقه
خواني..اخواتي
اسعد الله مسائكم /صباحكم بكل خير
طبعا الكل منا يعرف بأوامر خادم الحرمين الملك عبدالله بن عبدالعزيز حفظه الله
ومن ضمنها راتبين لكل موظف ومكافأت للطلاب و..و..والخ
بعد ماصدرت اوامر ابومتعب الله يطول بعمره كل شي تغير في الأسواق وانا لاحظت هالشي بنفسي
كلن قام يرفع السعر من راسه
والله ياجماعه شي ماتصدقونه
اللي مايتقضى لبيته ماراح يلاحظ هالشي
عموما ابحكي لكم بعض الحاجات اللي صارت لي
من عشرة ايام كنت ابشتري مكيف سبلت قلت ابشوف الأسعار قبل رحت اشوف وحطيت عيني على مكيف قلت بكم قال لي بـ2500 قلت له ابشوف وارجع لك
جلست تقريبا خمسة ايام وبعد مارجعت له قال لي 2700 !!
قلت ليش؟؟
قبل كم يوم تقول لي بـ2500 وش اللي صار قال ارتفع سعره . طبعا بعد هالراتبين اللي صرنا ماعاد نفرح بأي مكرمه او اوامر تجي لأنها مو بصالحنا من هالطمع والجشع اللي نشوفه من هالتجار حسبي الله عليهم..
نجي للمواد الغذائيه طبعا ماراح اقول لكم عن كل شي لأن كل شي تغير سعره كل شي مو شي واحد بس عشان مااقعد اعدد لكم.. اللي قاعد يصير شي غير معقول .
كتبت موضوعي عشان الكل يتفاعل
وابو متعب قال سوف نحاسب اي شخص كائنا من كان بهذا الخصوص
اليوم جايب لكم رقم يمكن بعضكم يعرفه والبعض الأخر يخفى عليه
الرقم هو رقم الشكاوى على اي محل تشوف انه مغير سعره عن الأول
وانا جربت هالشي بنفسي وتجاوبوا معي وزارة التجاره.
وجربوا وماراح تخسرون شي وراح تلقون كلامي في محله
اللي اتمناه من الجميع حتى لو كان مقتدر ماديا لو شاف زياده في اي شي يبي يشتريه انه مايتردد في الأبلاغ عنه لتفادي هذا الجشع من قبل اللي لايحللون ولايحرمون ولايخافون الله ..
اتمنى منكم عدم الأتكال على بعض ..
اقسم بالله اني لم اكتب هالموضوع الامن حرقه من اللي شفته من هالجشعين ..
هذا رقم الشكاوي
8001241616
الكل يسجله بجواله
فناتيل @fnatyl
محررة
يلزم عليك تسجيل الدخول أولًا لكتابة تعليق.
الصفحة الأخيرة
وانا اقول الملك لازم يستخدم القوه مع الي مايخافون الله ويمصون جيوب المواطن دون حسيب ولا رقيب
عجبكم رايي ولا ماعجبكم هذا الي لازم يصير