نعومه غيرطبيعيه

السلام عليكم ورحمة الله وبركاته000000

كل مافى الأمر ان انا كان شعرى مجعد وجاف وتعبت من كتر الوصفات اللى كنت بحطها فى شعرى لحد ما ف يوم وانا بتصفح النت لقيت وصفه قلت أجربها وكانت النتيجه بجد بجد مدهشه شعرى أصبح كأنى فرداه بمكواه غير النعومه اللى مكنتش أحلم بيها وده كله بفضل الله عز وجل ودلوقتى أقلكم الوصفه





********************
الوصفه هى:
النخاع ايوه النخاع
انا خليت بابا يشتريلى العضم وفضيت منه النخاع اللى فيه وسيحته على البخار وأخدت على قد ماشعرى احتاج وحطيت فى شعرى من الجدور وحتى الأطراف بس انا علشان شعرى جاف كترت النخاع ف شعرى شويه وبعد كده أحط عليه كيس بلاستيك وإيشارب وانتظرت لمدة 4 ساعات وبعد كده غسلته كويس ومتخافوش مش بيكون فيه ريحه ولا حاجه وباقى النخاع تشيليه فى التلاجه وتستخدميه لما تحتاجيه واتمنى انى اكون افدتكم وهى دى تجربتى


وللأمانه ملطوش عشان عيونكم يابنات حواء


وللعلم جدتي كانت تقول اجمعه واسيحه على النار(عشان ماعندهم ثلاجه )واحطه في علبه وكان هوالكريم0