نفاس وحجر

الله يصبرك و يقويكي

ياقلبي عليك الحمدلله على سلامتك ومبروك ما جبتي
سمي بالله وترى طبيعي الي تحسينه نفاس و حجر وخصوصا لو ماعندك احد
خذي وقتك لا ترهقين نفسك وعادي ابكي بس لا تطولين بالبكاء
والاطفال خلي ابوهم يساعدك فيهم
واذا هو مشغول حاولي انك تعطينهم رسومات اشياء كل يوم تشغلهم سوي لهم جدول مثلا كل يوم فعالية
وبخصوص الصفار انا عرضت طفلي للشمس شي خفيف فقط وكاانت بنت خالتي تحط له سكر نبات بالرضاعه وشويي مويه عشان يروح الصفار
وحاولي تتابعين اشياء مفيدة
مثلا برامج شعر وعناية اشياء تعطيك حماس
الى ان يجي الفرج
اهم شي صحة البيبي وصحتك بخير وعيالك اللهم لك الحمد

الكل محجور بين البيت والاطفال والزوج
استعيني بالله وربي بيسهل امورك
واذا ع بنتك رضعيها طبيعي بكثره ع طول بيروح
بنتي قبل فترة لما جبتها معها صفار واستمريت ع الرضاعة
الطبيعية والحمدلله راح ..
ربي يعينك..

الله يعينك ويشرح صدرك وييسر امرك

عدا الصعب ياغاليتي وقمتي بالسلامه انتي وصغيرتك❤️..
كلها ايام وتعدي وتصير ذكريات..


وصدقيني في قلب كل تعب وضيق حكمه ولطف لايعلمها الا الله،
خيره هالجلسه لك في البيت صدقيني والكل مثلك بس في المريض والتعبان واللي قلقان على أهله المصابين..


فاذا انتي وصغيرتك وأهلك كلكم طيبين فأنتي في نعمه..
صبري نفسك بانها فتره َتعدي واستمتعي بطفلتك وحاولي تاخذي فيتامينات علشان ماتزيد عليك الضيقه فيتامين دال والحديد وفيتامينات عامه علشان صحتك..


وحاولي قد ماتقدري تنظمي وضعك باللي تقدرين عليه وتخلي اطفالك يساعدونك..


وخلي على لسانك دايما لاحول ولاقوة الا بالله،
وادعي الله اللهم ابرا من حولي وقوتي وتدبيري الى حولك وقوتك وتدبيرك في كل اموري..
ياحي ياقيوم برحمتك استغيث أصلح لي شأني كله ولاتكلني إلى نفسي طرفة عين..


والحوقله لاتتركيها ابدا..


وفكري في اشياء تسعدك اهمها انك قمتي بسلامتك بدون مضاعفات وطفلتك معاك بصحتها وعافيتها وانه الأمور مآلها الي فرج بعد ضيق..
وياما ناس مرت في اللي انتي في وظروف أقوى واعظم والحمدالله..


حاولي تقرأين سورة البقره من الجوال لو كل يوم جزء حسب استطاعتك..


الله يفرج همك وييسر أمرك ❤️