نفاس ولي 15يوم وانقطع الدم

الرشاد هو السبب الرشاد يجفف الدم علشان كذا ماكملت ال 40 يوم..

اما الرضاعه اذا ماتبكي بعد ماترضعينها معناتها اخذت كفايتها بس غالبا الرضاعه الطبيعيه تجوع بعدها الطفلة مو بسبب انها ماتشبع لا بسبب ان حليب الام سهل الهضم ع معدة الطفل فبسرعه تجوع ممكن انها تطلب صدرك كل ساعه وممكن اقل او اكثر..

عادي اختي بس الرشاد استعمليه كحسو او سويه وي كاسترد بفيدج ازيد .. امي ان بالنفاس تتبع ويا خواتي ان اهم شيء الماي خب .. كثرة السوائل وايد زينة حتى لو مو عطشانة شربي بين ٣-٤ ليتر باليوم منه زين لج حق الدورة الدموية ونفس الفلتر للجسم .. و الاشية الساخنة مثل ماقتلج الحسو عندنا مادري شسمونه عندكم ناس اظن يسمونه"جلاّب" ناس "رشوفة" .. يكون مطبوخ معاه حب رشاد، و بعد ان ماتشتهينه جذي تسوينه وي الكاسترد وايد زين و تتشجعين تاكلينه و ينظفج زين

و مو شرط الدم ينزل عليج وايد بالنفاس .. يمكن نظفوج عدل حزة الولادة فما ينزل وايد الا بس اول الايام و عقب مقطع يوم و يوم لين ما تنزل عليج الدورة بعد النفاس
اختي مثلاتج الحين بالنفاس وقف عليها الدم عقب اسبوعين و كان خفيف بين فترة و فترة يوم متوسط يوم خفيف و الحين ينزل عليها بس مو وايد متقطع
و اهم شيء دفي روحج واعتني بنفسج خلال هالفترة و نفسيتج تصير زينة لا يحوشج اكتئاب فرفشي واضحكي 😍
و بالنسبة للرضاعة وقتي روحج كل ساعتين رضعي ان طبيعي .. و ان ماتصيح خذت كفايته و الله ايخليه لج

حبيبتي اذا بينزل منك دم لمده 40 متي هذا رحمة ربك خلاص الدم ينزل فترة ولادتك غزير بعدها خلاص يوقف ويرجع بعد شهر وتجي الدوره اللي هي اخت الاربعين وتستمر 7 وتوقف اتمنى افدتك