السلام عليكم
ايش اقول والله ما اقدر احكى من كثر الضيق اللى احس فيه والله نفسى ثقيلة وقلبى يوجعنى احس ان بيصير فينى ضغط وابموت استغفرالله اصلا الموت احسن فى هالحاله يمكن يصيرلى راحه من هالنفسية للى احس فيها انا متزوجة من سنين كثيرة ولا انجبت عندى انسداد فى الانبوبتين وهرمونات ملخبطة دايم وعالجت كثير ولا فى فايدة صار عند زوجى زوجة وعيال وانا لسه جالسه اندب حظى احس انى صرت ميته بدون روح وين القاها ولا من وين لا من كلام الناس للى ما يخلص ويقطون عليك الكلام كل وحده اكبر من الثانية ولا من احساس الامومة للى انا فاقدته والله كثير احاول اكذب على نفسى واقول انا وش ميته عليه واقول انهم هم وازعاج بس لما اشوف فرحة زوجى بعياله احس بسكاكين تقطعنى والله العظيم احس بانى فشلت انى اكون انثى صرت عار قدام الناس والمجتمع والله زهقت وكرهت تجمعات النسوان وصرت انطوائية كثير ما ابغى اسمع كلمة تجرح خاطرى خلاص ما عاد اتحمل والله انى اركض واطق كل باب اتخيل ممكن يجى منه الحمل صرت زى المجنونة اتخبط واركض فى كل اتجاه دكاترة وحريم وكل شى حتى امور تتعلق بينى وبين الله مابغى اذكرها ولا تقولين سوى كذا وكذا لانى كلها اعرفها بس احس صبرى خلص والله كثير ما انام الا ودموعى على مخدتى احس انى صرت عار وفضيحة كل الناس تعرف انى ما انجب وينظرون لى بنظرة شفقة او خوف كرهتهم وكرهت نفسى وكرهت الحمل على كثر ما تمنيته والله احس قلبى ينعصر من الشوق احس انى صرت عجوز مخرفة مالها احد انا احسنلى احفر قبرى واجلس انطر موتى لان الناس ما ترحم والله صرت اكره اروح للعزايم كل وحده تتفاخر بعدد خلفتها وللى تسال الثانية كم جبتى ومتى تولدين والعيال وعيالى عملوا وعيالى راحوا وبنتى يا حلوه وبناتى اسمالله عليهم وانا جالسه عيونى تدور بين هذى وهذى واذنى بين ذى وذيك وساكته لان ما عندى شى احكيه احس نفسى شاذة بينهم وشنطق وش اقول ما عندى الا تاريخ طويل حافل مع الابر والادوية والعلاجات للى حتى ما اعرف اساميهن من كثرهن وبس من عملية الى الثانية الى درجة كرهت الابر وصرت اخاف منها زى الاطفال من كثر ما اوجعتنى من غير فايدة كل مرة كنت اتعالج اقول يارب انا اتحمل هالهم والعوار عشان شى غالى كثير على قلبى والله اتامل كثير بس سبحان الله الامل يموت بعد فترة والله لما اشوف طفل فى المهد احس بحنان ودى اضمه لقلبى واتخيل انى امه والله انى اكتب ودموعى على خدى تمشى سيول حتى انى اوقف كتابة شوى ثم امسحها واحاول اسكت نفسى وارجع اكتب والله ياما جلست خلوة مع ربى والله انى ادعى اذا مهو مكتوبلى اصير ام ان الله يقطع رجاءى ويخلينى ما احب الاطفال خلاص ما ابغى اتامل ولا ابغى افكر انى اصير زى الحريم وارفع راسى قدامهم واقولهم انى مانى اقل منكم ولا نى ناقصه عنكم انا مو اقل اهمية ولا شان منكم وانا انثى حالى من حالكم وانى ام واشعر مثل ما تشعرون متى يجى هذاك اليوم اللى احط اصابعى بعيون اكبر وحدة تغنى وكرهتنى بحالى متى يجى اليوم للى ما يلقون شى يحكون فيه على ويشمتون علي فيه متى يجى يوم احس فيه بثقتى بنفسى واضم عيالى واخلى الناس تشوفنى واقول شوفونى انا قدرت احمل ترى وانا مانى عاقر ولا ارض بور ولا احس انى ضرتى احسن وابرك منى انها انجبت وانا لا والله ماعرف وش اقول بس كبدى توجعنى
ادعولى تكفونى خواتى الله يجزاكم خير ان ربى يسخرلى زوجى ويملكنى من قلبه ويرزقنى بضنا لو طفل واحد اشوف فيه هالدنيا واستغفرالله واتوب اليه على كل حال
طيبة حليوة @tyb_hlyo
عضوة
يلزم عليك تسجيل الدخول أولًا لكتابة تعليق.
والله مافيه شيء بعيد عن الله
مااقول غير الله يرزقك بالذرية الصالحه عاااااااااجلا غير اجل يارب ويفرح قلبك فيهم يارب
وجربي الحجامه ان مانفعت ماضرت
مااقول غير الله يرزقك بالذرية الصالحه عاااااااااجلا غير اجل يارب ويفرح قلبك فيهم يارب
وجربي الحجامه ان مانفعت ماضرت
اهـ اهـ اهـ ياعمري جبتيه على الجرح
والله مادري وش اقول ما احد يقدر يلومك
اختي مالك الا الصبر والدعاء بقلب خاشع
الله يرزقنا الذرية الصالحة السليمة المعاااااااااافاة
استغفر الله الذي لا اله الاهو الحي القيوم واتوب إليه
والله مادري وش اقول ما احد يقدر يلومك
اختي مالك الا الصبر والدعاء بقلب خاشع
الله يرزقنا الذرية الصالحة السليمة المعاااااااااافاة
استغفر الله الذي لا اله الاهو الحي القيوم واتوب إليه
نولا66
•
طيبة و حليوة حبيبتي انتي و الله حاسه فيج عجل لو تشوفين مصيبتي انا صارلي ١٤ سنه متزوجه و اول زواجي حملت و اجهضت بالسادس كانت بنت وبعدين كل ما اخذ ابر علاج ما استجيب كلش و سويت مخزون البويضات و كانت النتيجه كلش موزينه تحت المعدل الطبيعي بوااااااااااايد سبحان الله على اني صغيره و الدوره ماتنزل عندي ابد الا بحبوب و خواتي و حمواتي و سلفاتي كلهم بعدي تزوجو و عندهم خمس و اربعه عيال ما شاء الله وانا الله كريم الله يرزقج و يرزقني و يرزق كل محرومه يااااارب بنااااااااات دعواتكم تكفه
الصفحة الأخيرة
حاسين فيك ومرينا بتجربتك
طيب هل سويتي حقن مجهري عشان الانابيب اللي عندي مسكره