نفسيتي تحطمت .. تعبت من كثرة المشاكل

مرحبا بنات
شلونكم
مو عارفه من وين ابتدي من كثر المشاكل مو عارفه ابدأ من اي وحده فيهم احس حياتي صارت جحيم ومشاكل بعد ما كنت مرتاحه وسعيده مع زوجي وولدي والسبب خدامه اهل زوجي اللي ساكنه في ملحق جنبي في الطابق الثاني وابو زوجي وامه تحت وهي تشتغل لهم لان انا ما احب شغل الخدامات ..
من اول ما اجت وهي تختلق اشياء واهل زوجي يصدقونها ويكذبوني مره قالت اني قطعت الحبل اللي تنشر عليه الملابس لما تغسلهم وهي ما عندها حبل من اساس وصدقوها وكذبوني ومره وانتوا بكرامه قامت ترمي الفوط الصحيه لما تجيها الدوره في المجاري وانسد المخرج وفاض الماي وقالوا مني انا اللي عامله كذا وانا كنت لسه والده وما اجتني الدوره الا بعد ولادتي ب6 شهور مع ان مخارج الماي مشتركه بين شقتي وبينها غير اني لما سافرت ورجعت في هالاجازه اكتشفت اختفاء ذهبي وزوجي الله يحفظه ما يهتم انها لما يخرج يقفل الشقه ينسى الشقه مفتوحه ويمشي وما خبرت الا زوجي ولو بنقول لهم نبغي نفتش غرفتها ما بيقبلون واخرها امس الليل والله حتى النوم ما ذقته من قهري بعد ما اختلقت قصه قطع الحبل اجى اخو زوجي وركب لها حبل لحالها بس المشبك واحد اللي يمسك حبلي وحبلها فيصير عليه ثقل وهي ما تحاسب ولانها تكوم الملابس تخلي الملابس على بعضها بعض لما يطيح الحبلين ويتوسخون الملابس لا والقهر انها تشيل الملابس اللي تخصها ولا كانها تشوف ملابسي وملابس زوجي وولدي على الارض وانا ساكته وصابره والله اغسل الملابس 3 او 4 مرات والسبب انهم يتوسخون بسبب غبائها قمت خبرت زوجي اني انا تعبت من كثره غسال الملابس وانا حامل وعندي طفل غير اني طالبه جامعيه فشال الحبل مالها وثبت المشبك وخبر ابوه ان هي لازم يكون لها مشبك لحالها لان المشبك اللي عندنا ما يتحمل اثنين وحتى لو قلت بستخدم منشره للملابس منشرتي اختربت لان من اول ما اجت وهي تستخدمها حتى بدون استأذان لما احلت وصارت تترك حلي في الملابس قامت امس هي ولا كانها تشوف حبلها مو مركب ركبته ونشرت ملابس عليه انا لما خرجت وشفته مركب سكتت وخبرت زوجي انه الحبل مركب واحسه بيطيح انا مالي دخل لو طاحوا الملابس ورحت اتغذى في بيت عمي الثاني ورجعت العصر ونمت لاني معزومه على عرس في الليل وعشى وما رجعنا الا 12 بالليل دخلت اسلم على اهل زوجي قبل ما اركب شقتي حسيتهم غير عن كل مره لما اسلم عليهم ومن وصل زوجي بدأ عمي بالكلام اللي مثل السم اننا وسخنا ملابسهم ورميناهم على الارض انا من سمعت كذا حملت نفسي وركبت فوق وانا مو قادره امسك نفسي وانا اسمع اصواتهم الى فوق توصلني كلمه كلمه وبعد ساعه ركب زوجي وحاول يكون طبيعي قلت له انا سمعت كل شي واذا كنت انا قليله تربيه بعمل كذا بس الحمد لله اهلي ربوني زين وانا ما رحت اليوم جهة الحبل عشان ارمي ملابسهم او ما ارميها واحنا مخبرينهم عن الحبل من فتره وهي اللي ركبته اليوم الا يقول زوجي ان الحبل اللي يخصنا مركب وحبلها طايح والملابس مرميه قلت له انا تكلمت او ما تكلمت بصدقون الخدامه وانا تعبت وانا اتحمل قالي ولا يهمك انا بكره اتفاهم معاهم لما نزل اليوم الصبح قالت له اخته ان السالفه فيها شي الظاهر انها ركبت الحبل اللي يخصنا لما شافته مرمي وخلت الحبل مالها والملابس مرميه عشان يصدقونها تخيلوا انها خلت عمي يركب وهو يمشي بعصاة فوق عشان يشوف الملابس ويشيلهم معاها لاكن لا عمي ولا عمتي بصدقون هالشي انها سوته والله انا وزوجي نفسيتنا زفت وانا احاول اكون طبيعيه عشانه والله مو عارفه شسوي وياها هذا ما تشتغل عندي وهذي حالتها شلون لو تشتغل عندي كانت شسوت فيني :(