wardia @wardia

محررة

نفسيتي تعبانة .. والسبب ام زوجي ..

السلام عليكم ورحمة الله وبركاته

بنااااات حدي مضايقة وودي افضفض لكم عن الي مضايقنييي

بصراحة انا مضايقة وحزينة من اشياء كثيرة في حيااااتي لاني امر بظروف نفسية ومادية صعبة علي و على زوجي

بس اكثر شي ضايقني اليووم ام زوجي .. واهي من اول ما تزوجنا ما تغيرت بس اليوم والله وصلت حدي

طبعا اهي ما تسوي من هالامور الي اقراها في المنتديات من سحر و تشييش الولد و غيرها بس حركاتها تضايقني

احنا نسكن معاها بنفس البيت واهو صغييير .. واهي الطابق التحتي كله لها وانا وزوجي لنا غرفتين وياليتهم واسعين بعد و حمام .. يعني بدون صالة بدون مطبخ .. ما تتصورون شلون الضيق الي عايشين فيه

المهم ومدخل غرفنا مثل مدخل بيت ام زوجي و يفصل بينهم باب وبعدها درجنا ..

واهي تخلي الباب دايما مفتوووح وقاعدة في صالتها اغلب الوقت واذا ننزل بنطلع تشوفنا .. واذا كنا راجعين تشوفنا ولما اكون حاملة معاي اكياس ما تشيل عينها من عليهم .. وحتى لما اصعد فوق لازم اطل على ولدي الي مع ابوه عندها والاقيها اتطالع في الاكياس لين ادخل الغرفة .. هالحركة تنرفزززني .. والي محيرني اهي ليش تخلي الباب الي يطل على ردج غرفنا دايما مفتووح ابي اعرف .. مرة قلت لزوجي ليش جذي يقولي عشان البيت يتهوى .. يتهوى من شنو اهم ما عندهم حوش عشان يجي له الهوا ويتهوى .. وخل احد لو بالغلط يسكره تضايق وتفز من مكانها وتفتحه .. انا ما ابي اتحكم فيها تسكره او تفتحه هذا بيتها وكيفها بالي تتصرف فيه .. بس انااا ليييش ما اخذ حريتي .. ليش اهي تسوي الي تبيه وانا لا .. اعذروني ماعرف اعبر عن الي في داخلي ويمكن ما تفهمونيي .. حتى لما نرجع من مكان لو تكون في وين لازم اجي وتوقف عن هالباب الي دوم مفتوح وتشوفناااا وتشوف شنو عندنا .. وسالفة الاتصالات في زوجي شغالة على طول لما نكون طالعين ولا شي .. انا عندي اهون انها تكون معانا ولا انها تتصل كل شوية تسأل زوجي وين انت ومتى بترجع .. واسلوبها اسلوب هواااش .. وتكلم زوجي كأنه طفل عندها .. واهو يحترمها ولا يقول لها الا حاضر وان شاء الله و على امرج .. كأنها ما عندها ولد الا زوجي .. مع ان اولادها 5 ما شاء الله غير زوجي .. وما يصير اللوم الي عليه ليش عشانه اهو الوحيد الي ساكن معاهاااا .. واهو ما يقصر ابد معاها لازم كل يوم يجيب لها شي حتى لو بسيط وانا بالعكس اشجعه ولا عندي اعتراض ولا اكون انانية اهي مهما يكون امه بس شسوي معاها والله تعبت كل شي عن حياتنا تعرفه .. وزوجي وايد بار فيها عكس اولادها وهذا الي خلاها تسأله عن كل شي.. حتى من كم يوم وانا صاعدة فوق سمعتها تهاوشة تقوله ليش توك جاي الحين الساعه 11 ونص!! تخيلوو ضربني العجب احنا حرين لو عسانا بنرجع 3 الفجر مالها دخل فينا .. واهو يرجع من دوامه تقريبا الساعه 3 و يصعد فوق لي .. واذا صار المغرب ولا نزل تتصل فيه تسأل ليش ما نزلت شتسوي .. بالله هذا سؤال يسألونه واحد متزوج .. اهي كله على بالها انه للحين عزوبي .. حتى مرة خرعتني صاعدة لنا فوق وعلى طول تبي تفتح الباب لكنه الحمدلله مقفول وتمت تدقه بكل قواهااااا انا مت من الخوف وولدي قام يبكي فتحت لها الباب وتفاجأت قالت حسبتج مو هني .. ويعني لو اكون مو موجودة عادي عندها تدخل بيوت غيرهاا بدون استأذان .. هو اكيد البيت بيتها بس مهما يكون كل شي وله خصوصية وولدها الي هو زوجي مو لحاله عشان تبي تدش بدون استأذان انا زوجته وساكنه معاه حتى لو كنت مو موجودة .. لو اقولكم عن كلامها في بيت اهلها عنا الي بسبته كرهني في زيارتهم .. مرة كنا عندهم ويتكلمون عن خال زوجي وعنده بقاله وزوجي يحب يشتري منها لان خاله فقير على قد حاله ويترزق الله من هالبقالة المهم ان خالات زوجي يتكلمون عن هالبقالة وزوجي جاب طاري انه اخذ منها شيئ معين .. وام زوجي تقول لهم بإسلوب دفش اهم كل يوم يروحون هالبقالة ولا يوم ما راحو .. بعدين وحدة من خالات زوجي انتبهت ان الكلام مو عدل في حقنا وقدام الكل وقالت عليهم بالعافية ليش انتي ما تبينهم يروحون .. الا تلعثمت بالكلام وغيرت الموضوع .. ومرة بعد قالت لهم غسالتهم مو شي ثياب ولدي كلها وسخه وطبعا كل هالكلام بوجودي والي كانو موجودين سكتو ويطالعووني وانا انحرجت يعني الي يسمع كلامها شنو بيقول عني معني اغسل الثياب عدل و استخدم انواع صابون و سوائل كثيرة والثياب ما شاء الله نظاف بس مدري ليش تقول جذي ..

والله تعبت من هذي السالفة ودايما اقارن بين اخوان زوجي الي ساكنين لحالهم واقول ما شاء الله مفتكين من ان يكون احد يراقبهم ويعرف كل تحركاتهم .. واهم ما يزورونها الا قليل ولا تعرف شي عن حياتهم مو مثلنا احنا

احنا والله حتى لو بنطلع نسكن لحالنا مانقدر زوجي عليه قرضين و حالته المادية صعبة وايد حتى الاجار مانقدر عليه وانا للحين طالبة بالجامعه وباقي على تخرجي منها سنة ونصف او سنتين وطبعا الاشغال ما تنتظرني لو تخرجت وماندر شنو الحل معاهااا انا استحي منها وحتى لو مضايقة منها دايما اقابلها بإبتسامه ولا يبين علي اني مضايقة منها
اقول لزوجي يسكر الباب الي دايما تطلطل علينا منه ما يرضى وشنووو الحـــل والله ودي اعيش بدون ما تراقبناااا وترى الي قلته لكم يهووووون عند بعض تصرفاااتها .. تنصحووني شنو اسوي ؟؟

يلزم عليك تسجيل الدخول أولًا لكتابة تعليق.

تسجيل دخول

أم عبدالعزيز* • 14 سنة

الله يعينك وتحملي بس ياختي مهما كان هذا ولدها ولا عليك منها هي ويااااه اهم شي لا تغلط عليك وان شاءالله تخلصو من ديونكم وتطلعون وترتاحين وتتمتعين بالخصوصيه ولا تقارنين بين زوجك واخوانه وتذكري ان مافي احد كامل والله يوفقك

الفرح2009 • 14 سنة

ياعمري أنتي ـ ـ
اصبري وانا اختك ـ ـ مادام زوجك عليه ديون ومايقدر على الايجار مالك الا الدعاء ـ ـ
صلي اخر الليل وادعي ان ربي يسخرلك ام زوجك ـ ـ وانتي خليك معاها طيبه والله مصيرها ترجع تحبك وتفضلك على جميع سلفاتك ـ ـ
الله يوفقك ويسعدك ياررررب

wardia • 14 سنة

مشكوورة حبيبتي على الرد انا عارفة انها هي ويا ولدها بس مثل ما قلت الي مضايقني كلامها عنا في بيت اهلها و لما تراقبنا في الطالعة والنازلة

wardia • 14 سنة

الفرح 2009 مشكووورة على ردج حبيبتي ما قصرررتي ومشكورة على الدعوة الحلوة

mrh1 • 14 سنة

الله يعينك
ومالك إلا الدعاء إن ربي يحنن قلبها عليكم
مهما كان أمه ويمكن جالسه وحدها في البيت وماعندها غيركم ولو ابتعدتم عنها لو بس يوم أكيد بتكون مشتااقه لكم
وانت ماعليك اعيني زوجك على بره بأمه والله بترجع لك وبتتهني بحياتك ويمكن علشان زوجك يحبها وحنون عليها على قولهم تتدلع عليه

الله يصلح حالكم يااارب