نفسيتي تعبت منهم

كل عام وانتم بخير
والله يحقق لكم كل ماتتمنوا ف ذا اليوم الفضيل كل من قالت امين
ايش رايكم يابنات ف الناس اللي تدق بكلامها ع طول وقاصدتها وكمان بس فالحه تحطمك ...
يعني زي انا قبل كم يوم اجتمعت مع حريم والا وحده من بينهم تيجي تقولك ي فلانه ترا خلاص كبرتي ع دي الاشياء ماتعرفي كمً عمرك دحين (وانا يابنات عمري 22 و11شهر )
واتكمل كلامها خلاص بتكملي 23 وتدخلي ع 24 وربي انو مررا انقهر لانو شافتني لابسه لبس السبورتي مع شوز اسبورتي مو ذي المره حتى من قبل تعيد الكلام ونفسو واوقات تقول لاتصدقي انك لساتك بنوته تراك متزوجه ومخلفه ..
واوقات تقول ترا بيفضحوك عيالك لاتشوفي نفسك وانا معاملتي معاها زي العسل مافيني غرور ولا تكبر من جد متواضعه وربي شاهد اكره ماعندي انو اغتر بحالي احسها صفه ذميمه ...
والله تعبت من ناس النفسيه ذي ماادري غيره ولا ايش الحاصل بظبط انا ولله الحمد مهتمه ف لبسي وف نفسي وف اناقتي والله مو مدح ف حالي حتى اللي يشوفني يقول مستحيل تكوني متزوجه كأنوا المتزوجه حرام تهتم ف حاله وترتب لبسها..
حتى اهلي كم مرات يخاصموني يقولولي ليه ماتردي عليهم مشكلتي اني حالي حال نفسي حتي اللي يجرحني اسكت واطنش ولا ارجع ابتسم ف وجهه...
حتى اوقات اقول مافي داعي اروح بكامل زينتي مو ناقصه كلامهم واحاسب ع لبسي ...
والله احترت..
بالله كيف السوات مع ذي الاشكال اللي بس تجرحك وترمي كلامها وهيا تبي تغيظك وتتشمت فيك قدام الخلق ....
الله يعينا عليهم ويهديهم يارب....