نفسيتي هشه تتاثر بسرعه

مرحبا
بنات انا اعترف اني شخصيه هششششششه
خفيفه
اي كلمه من اقارب من احد تهزني وتاثر فيني
وتعدم نفسيتي وتضيق صدري
انا تدرون وش مشكلتي
اكره التدخل والنقد والاستفزاز
وللاسف خاصه اقاربي عارفين اني وحده ماصبر
ويدرون ان نفسيتي تقلب من اي تدخل او نقد
صارو يعرفون نقطة ضعفي يعرفون اني ماتحمل
وارد واتهاوش اما بكلام او برساله بالواتس
ويعرفون انهم اثرو فيني
وصارو يزيدون بهالحركات
بذكر لكم مثال
وحده من اقاربنا مو حاصل لها تسافر
بس تغار منا وعيونها علينا خاصه اذا سافرنا برا
تنجن جنون كان ماحد سافر غيرنا
تجلس ترمي هرج وذنوب ومدري وشو
يعني تتكلم وتقصدنا انا هنا اعصب ويوضح علي
ويبدا اما رمي كلام او اروح ابرد قلبب برساله
بالواتس اني عارفه ان كلامك تقصدني ولا لك دخل بنا
ولا اخذنا من حلالك شي يعني اكبر الموضوا
والموضوع ياخذ اكبر من حجمه بسبب عصبيتي
انتم متخيلين احيانا نسافر وكل ايام السفر
نفسيتي معدومه بسبب افكاري ان فلانه وش بتقول
اذا رجعت فلانه وش بترمي هالمره كلام وش برد عليها
وش بقولها
مشكلتي
مابي اتعرض لنقد ولا تدخل لان انا
ماعمري جرحت احد بوجهه ولا نقدت ولا تدخلت
لكن الناس ماقدر امشيهم ع مزاجي ونفس شخصيتي!!
فيه الغيوره فيه اللي تحسد فيه الوقحه في اللي كاني عدوتها
انا نصصصص شعري شيب بسبب مشاكل تافهه
بس انا اخذ كل شي بشد اعصاب وبمحمل الجد
ومن الكلمه افسرها مليون كلمه والا تقصدني
وش دخلها وش تبي وش عليها منا وش فيها هذي علينا
كذا كل كلامي
غير كذا بذكرك لكم مواقف
نفس وحده من اقاربي دايم تنقد ع اللبس العاري
وكذا بالمقابل بناتها كبرو صارو يلبسون
موقف مثل التشره ىحده من اقاربي بس تتشره
لكن احطها بذمتي مو حب لنا تتشره
قد ماتبي تطلع امي قدام الحريم ان بناتك قاطعات
ولا يجون وكم مره تقول لامي بناتك قاطعات وفيهم وفيهم
بالمقابل صار لها بنت شبه جتها حاله نفسيه واعتزلت الناس
وللحين غاثتنا يعني ماتشوف بنتها قبل !! ولما احد يقولها وين بنتك فلانه ينقلب وجه وترد بكلمه ماتطلع
وهي
كل ماشافت امي او اختي لازم وين بناتك وراهم قاطعين
اعوذو بالله تجي
اختي تعلمني بكلامها تنقلب نفسيتي واعصب يمين بالله
اجلس اوجف من القهر وش دخلها؟
مين هي عشان تدخل جينا او ماجينا واجلس طول اليوم
اكل بنفسي بسبب هالكلام
انا عطيتكم موقفين بسيطات
زي مره سافرنا وابوي بنفسه راضي وقال روحو
فجاه دخلت بنت عمي قالت ياويلكم رايحين وتاركين ايوكم لحال !!قلت هو راضي وهو سامح لنا وابوي دايم يكشت ويسافر ويعتمد ع نفسه قالت حتى لو صعبه تخلونه
واقسم بالله تنكدت سفرتي كلها بسبب هالكلام هذا والتدخل
قلت لكم ابسط المواقف
عشان تعرفون قد ايش ياثر فيني النقد او التدخل؟
كثير من صديقاتي واهلي قالو طنشي
احقريهم ينقهرون اكثر اذا كل شوي كذا بتعصبين
ونفسيتك هو اللي بينبسطون عليك
انا حتى لو وضحت اني مطنشه داخلياً
بكل امانه اتحسس واتنكد ويضيق صدري
واحلس اكل بنفسي وش تبي هذي؟
وش ذخلها ؟وش تبي مشغله نفسها فينا ؟
كذا طول يومي يروح انا ابي حل للمشكله هذي
لنفسي اولا
وثانيا للناس اللي من هالنوع وش الحل معهم
استمر باسلوبي معهم بالرد
ولا اصير احقرهم واطنش ؟؟
واسوي اللي ابي وانا حاقره كل كلامهم انتم
ماشاء الله اللي يمسكون اعصابهم
ولا يطقون خبر لكلام الناس
ولا ياثر فيهم ويسون اللي براسهم ضاربين
بكلام الناس الجدار كيف كذا تقدرون؟