نفسي احبه؟؟؟

مرحبا خواتي انا قليلة المشاركه في المنتدى لكني حريصه على متابعة المواضيع
انا عندي مشكله ومتأمله فيكم خير بعد الله خواتي تساعدوني اقلها افضفض لكم يمكن ارتاح :(

انا لي تقريبا 9 سنوات متزوجه
طبعا زواجي كان بدون اقتناع ابدا ولكن ضغط الاهل الله يسامحهم انا سامحتهم بس قلبي مجروح منهم جدا
احس انهم حرموني اني اعيش سعيده
المهم حاولت ااقلم نفسي مع هذا الزوج واحاول اني اغصب نفسي غصب على حبه :(
لان مثل ما انتم عارفين حياة الزوجه ما تمشي الا اذا اظهرت حبها لزوجها
زوجي كان مستقيم وما يقصر من الناحيه الماديه لكن عيبه الوحيد انه جاااااااااااااااااامد لابعد الحدود الابتسامه ما اشوفها على وحهه الا نادرا
حياته كلها دوامه ونومه واصحابه لا يعرف عني وعن اولاده ولا شي ,,,ما انكر اني بدات اميل له في السنوات الاولى لكن خساره نفرني منه بجموده............

احس حياتنا جافه باهته نفسي الونها بالحب بس هو ما يتجاوب معاي ويحببني فيه
والمصيبه انه بدا يتساهل بالحلال والحرام لانه صار يماشي صحبه سيئه الله يبعدهم
انا صابره عشان امشي حياتي وارعى اولادي لكن قلبي ينزف ينزف من الالم


دايم اسمع كلام الحريم اتدلعي اظهري حبك بس احس هذا الشي صعب لاني في داخل نفسي بدات اكرهه من تصرفاته الجافه جدا لا يقبل مزح او كلام لين مع العلم انه قاااسي جدا مع اطفاله ؟؟؟ كيف احبه يا ناس كيف اغصب نفسي وهو مو عاجبني اصلا من البدايه
نفسي حياتي تتغير واعيش مرتاحه
انصحوني وادعولي لاتنسوني