نفسي احمل

مثلي ياقلبي بس دورتي كانت منتظمه بالعدد والتاريخ ماشتكيت من دورتي ابد

قبل الزواج باسبوع تقريبا رحت الدكتوره ابيها تصرف لي حبوب منع حمل ابي اكلهم شهرين بس قالت اكشف عليك وحلل لك حللتي لي وكشفت علي قالت مبايضك سليمه والتحاليل الغدة سليمه لكن هرمون الحليب مرتفع 50 استغربت

قلت لها لكن انا دورتي منتظمه بالتاريخ وبالعدد وبكل شيء ولا اشتكي من اوجاع بصدري او ينزل منه شيء وحتى شعر جسمي مررررررره خفيف ماعطتني رد مقنع

عطتني حبوب اكلهم عشان هرمون الحليب ينزل

لكن رفضوااهلي قالوا خرابيط تزوجي وشوفي اذا ماحملتي روحي عالجي
جلست معه 3 شهور ماحملت ... ورافضه استخدم حبوب او ادويه طبيه ابيها من الله ماابي احد يتدخل كنت ادعي الله بكل سجده استجدها وانا اسجد اطول بالسجود وادعي بحراره اني ماابي استخدم شيء عشان احمل من الله عزوجل

باخر دوره لي باول يوم نزلت رحت وشربت بردقوش كوب واحد باليوم وكنت اشربه المغرب بعد الفطور لانه كان وقت رمضان وستمريت اشرب بردقوش حتى يوم طهرت من الدوره شربته يوميا بستمرار

وكانت عندي التهابات بالمهبل متعبني وزاد علي باخر دوره لي وقالولي اهلي لازم تروحين للدكتوره تعالج الالتهابات مستحيل تحملين وعندك التهاب
رحت للدكتوره بعد ماطهرت على طول برمضان وكشفت علي وسوت لي مسحه وطلع عندي باكتيريا عطتني 3 تحاميل لمدة 3 ايام ورى بعض بدون جماع ورابع يوم رحت لها وعطتني مضاد حيوي لمدة اسبوع وستخدمته عشان الحكه الشديده اول 3 ايام من استخدام المضاد ماراحت الحكه لكن باخر يومين راحت نهاااائيا

واقولك من فرحتي برمضان انه اكتمل نويت اقراء الرقية الشرعيه بهاليوم بس وماخليت رقيه عندي بجهازي ولا بالنت وحتى بالاوراق اللي عندي ماقريتها ومسحت على نفسي ونفثت بالكوب وشربت منه وصبيته على مياه الشرب والعصير
بيوم30 مسكني اوجاع بسيطه بجنبي اليمين على بالي برد جلس معي اسبوع كامل مع اني تكبيت وتدهنت وسويت كل شيء عشان يطلع البرد بس ماتغير علي شيء لكن جلس اسبوع كامل وراح الوجع جلست اشيل اغراض ثقيله بعد هالشهر بشوال واعزل البيت شلت جراكل البرادة ثقال وشلت كراسي وخرابيط وزحزحت اشياء ثقال كنت ارتب وانظف بيتي

انتظرت وقت الدوره تجي ماجتني كنت ابسوي تنظيف لرحمي بالاعشاب والخلطات لقيتهم بالمنتدى يمدحونه اللي تسويه تحمل قلت اجربها اول ماتنزل دورتي لكن دورتي مانزلت ولا احس لا باوجاع الدوره ولا بصدري ولا ببطني ولااااا شيء ابد كان الدوره مو وقتها مااحس بشيء ولا شكيت اني حامل
انتظرتها بوقتها مانزل علي شيء ابد كدره صفراء بس بدون شيء بدون اللوان واشكال
انتظرتها من بكرا مانزلت انتظرتها 3 يوم مانزلت استغربت وقلت لخواتي قالولي انتظريها اسبوع ولا تشربين شيء خليك كذا جلست اسبوع وزياده كم يوم وحللت منزلي الصبح اول ماصحيت وطلع عندي خطين الخط الثاني مو واضح خفيف
جلست شهر وزيادة اسبوعين ورحت وكشفت عند الدكتوره وسوت لي تحليل دم وباركت لي الحمدلله

ياقلبي والله ان ربي هو من رحمني ورزقني ووهبني

الله يوهبك زي ماوهبني والله يرزقك زي مارزقني

الله لايحرمنا انا وانتي من شوفتهم حولنا يارب ياكريم


سمحيني على كلامي الطويل بس حبيت اقولك سالفتي عشانها زي سالفتك بضبط كانك تتكلمين عني
ياقلبي الجئي له ولا تتركين الاسباب اللي تجعلك تحملين يعني لو اظطريتي تروحين لدكتوره تراها سبب استخدمي هالسبب لكن تراه الحمل من الله اذا الله شافك واثقه فيه سبحانه ثقه عمياء مو في الدكاتره والله العظيم انه سبحانه ماراح يخيب ضنك فيه

الله يرزقك باالطفل السليم ا لمعافى

الله يرزقك ويرزقني يا رب

يارب مايعدي هالشهر الا واحنا حوامل والله وأختي أنا كمان ودي احمل من يوم ما أجهضت وانا نفسيتي زفت

الله يرزقك ويرزق اختي احاسيس انثى بالقريب العاااااااجل ويعوضكم خير يالغوالي