مرحبا بنات
انا من فترة وانا حاسة انه حياتي تغيرت شوي بسبب اهمالي في نفسي
لدرجة ان شعري صار خشن ومقصف وناشف جدا من الاهمال
وبطلت اتعطر مثل الاول وارتب نفسي
كل همي ترتيب البيت فقط
حتى اطفالي مابهتم فيهم كتير من ناحية اطعامهم او تلبيسهم في البيت او نظافتهم متل الاول
بالامس قرأت موضوع (نفسي اكون حوا بجد ) وفتحت على كل مواضيعها وشفتها بتعاني من اهمالها لبيتها و زوجها ونفسها . يعني فيه عوامل مشتركة بيننا واكيد كمان في بنات مثلنا
انا خططت لخطة تغير حياتنا 180 درجة ويمكن اكثر
لانو خلاص مابيصير تستمر حياتنا واحنا نلوم نفسنا على التقصير و الاهمال ونلوم ازواجنا لانهم تغيروا معنا لااااااااااااااااااااا لازم نغير نفسنا اولا ونمشيها على نظام
النظام اللي راح اكتبه لازم كل اللي بيعانوا مثلنا يعملوه . اتفقنا ؟؟؟يعني نظام لتغيير حياتنا للافضل
بحيث نرضي ربنا ثم نفسنا ثم ازواجنا ثم الناس
هذا النظام لما نمشي عليه انا و ( نفسي اكون حوا بجد ) راح نشجع بعض كل يوم ونحس انو احنا بنعمل الشغل مع بعض وفي نفس الوقت تقريبا
طبعا انا بخاطب كمان كل البنات اللي بيعانوا مثلنا
النظام هو :
1- الاستيقاظ مبكرا مثلا على الساعة 8 ونص او 9 صباحا وعلى طول على الحمام غسلي وجهك ومشطي شعرك ووضع مرطب شفايف لونه زهري وكريم على الوجه ( اذا بتحبي تحطي كحل او مكياج خفيف ممكن ) هادا كله مابياخد 5 دقائق فقط
2- على طول تروحي على الغرف تتأكدي من ترتيبها وتشيلي بعض الاشياء او الالعاب اللي كانوا يلعبوا فيها اولادك بالليل وترتبي ترتيب سريع ( مش راح تحتاجي ترتبي كتير لانك راح تكوني مرتبة البيت قبل ماتنامي بالليل بالامس )
3- على طول على المطبخ جهزي الافطار الك ولاولادك زلزوجك اذا بيتأخر في الشغل يعني شغله متأخر
وبعد الافطار رتبي المطبخ واجلي الجلي وامسحي المجلى والغرانيت وخليه نظيف وسكري المطبخ
4- طبعا زوجك بيكون راح على شغله وانت فاضية هالوقت . روحي اعملي خلطة للشعر
وأنا حاليا بعمل خلطة زيت عافية مع الحلبة وحبة البركة وطريقتها انو بطحن حلبة فريش بمقدار 2 فنجان قهوة وفنجان واحد حبة بركة مطحونة وبحطهم على زيت عافية لترين الا ربع تقريبا وبخليهم 10 ايام وبعدين بستخدمه على الشعر لمدة ساعة او اكثر قليلا
يعني هادا الوقت حطي ماسك على شعرك واتركيه وشوفي البيت شو بدو تنظيف
روحي على الحمامات والغرف ونظفي على السريع يعني كأنك في سباق مع الزمن
5- روحي على المطبخ جهزي الغدا . وعادة الغدا مابياخد اكتر من ساعة او حتى اقل
وبالعادة انا دايما اي يوم بكون ماعلي شغل بيت بقعد احمس لحمة وبصل بكمية كبيرة وبفرزنها على عدة طبخات وبفرزن المعجنات اللي بتزيد معي . عشان هيك برتاح في عمل الغدا احيانا
6- بعد الغدا روحي اعملي ماسك للوجه . انا عندي ماسك بيحكوا عنو رهيب وبدي اجربه اليوم ان شاءالله وهو عبارة عن زنجبيل مطحون او طازة مبشور مع ملعقة عسل مع ملعقة خميرة و 2 ملعقة زبادي .(كمية الزنجبيل ماذكرتها صاحبة الموضوع) وجمييييييييييع البنات مدحوا في هالوصفة
ضعيها على الوجه ربع ساعة فقط واغسليها عادي بس تكوني منظفة وجهك قبل وضع الماسك
7- روحي اتحممي وحطي بعدها كريم معطر واذا ماعندك اعملي هالخليط البسيط والرااااااااااااائع وانا مجرباه . هاتي كريم مالو ريحة مع زيت اطفال واخلطيهم في علبة بنفس الكمية يعني متساويين
ورشي عليهم عطر اصلي من عندك او مسك او دهن عود وسكري العلبة وحطيهم في مكان مظلم 3 ايام وبعديها استخدميها بعد الاستحمام وجسمك رطب شوي بعد التنشيف
بعد وضع الكريم ضعي مسك صلب مطحون مع قليل من الماء واشطفي المنطقة الحساسة به عشان الرائحة وحطي مسك سائل على خط البيكيني ( هادا كله مابياخد وقت ابداااا )
حطي كريم على شعرك ومشطيه وعطري ملابسك
8 - اذا بدك تحطي مكياج خفيف او لا انت حرة . بس لازم تحطي كريم للوجه
9- استقبلي زوجك وحطي الغدا واجلي الجلي على طوووووووووووووووول
سر البيت المرتب هو عمل كل شيء اول بأول . يعني لو فيه ملعقة في المجلى اجليها على طول
10- هلا انت عندك وقت بعد الغدا . وقت كبييييييييير اعملي فيه الاشياء التالية بالترتيب اللي بدك اياه
- الدخول الى النت
- قراءة القران ولو ورقة
- الاستغفار 100 مرة واكثر .( انا مرات كنت انسى الاستغفار ولكن كنت لما ارضع ابني استغفر بدل مااضيع الوقت بس بالرضاعة. وطبعا كل ماارضع ابني استغفر )
- تعلم الانجليزي من النت . انا عملت الي دفتر خاص فيه وكل يوم اتعلم درس واكتبه وبعدين ادرسه من الدفتر في اي وقت جاي على بالي
- طبعا الصلوات على وقتها ( يابنات مدام انت راح تصلي اكيد ليش ماتصلي الصلاة في اول وقتها يعني اول مايأذن ؟ انا والحمد لله اول مايأذن اقوم اتوضا واصلي ومايمنعني عن هالشي اي مانع ابدااا. اترك كل شغلي اللي في ايدي واقوم اصلي )
- طبعا انا عارفة انو اللي عندها اطفال مثلي راح ترتب البيت وتكنسه كل شوي بس راح يكون سريع
- قضاء بعض الوقت مع الاولاد من حيث تدريسهم واللعب معهم واطعامهم وووووو
-تخصيص وقت للاذكار (والله انها مهمة جداااا . واللي بدها اي ادعية او اذكار ممكن افيدها )
نهاية النظام عندي تعليق بسيط :
البنات اللي بيعانوا من تغير ازواجهم او ملل ازواجهم . لازم التغيير يكون فيك في الاول . والنظام السابق هو طريقة تغييرك في نفسك ومع ربك وفي بيتك
المهم الان نغير انفسنا ونزيد ثقتنا في انفسنا كتيييييييييييييير لازم نكون مبسوطين من انفسنا
هلأ المطلوب من كل واحدة بدها تنضم الينا انو تقعد مع نفسها وتكتب مجموعة الاهداف اللي بدها تحققها خلال شهر مثلا في دفتر ونشوف بعد الشهر حققتيها ولا لا
يعني مثلا اهدافي هي:
1- شعري يتحسن ويصير ناعم بواسطة استخدامي لخلطة الحلبة وبواسطة زيت جوز الهند
2- انحف 3 كيلو بواسطة ريجيم التمر والحليب لمدة اسبوع
3- اتعود واتمرن على تنعيم صوتي شوي لان زوجي بيقعد يمزح معي عن صوتي
4- ختم نص القران شهريا
5- تعلم وتجريب اكثر من طبخة جديدة في الشهر وكذلك تعلم الحلويات
6- اخلي زوجي يموت في بواسطة ادعية معينة احكيها كل يوم وبواسطة اهتمامي بنفسي وامتاعه في العلاقة الحميمة (فهي اهم شيء عند الرجل )
امتاع الرجل بالعلاقة الحميمة يكون بتغيير الاوضاع من فترة لفترة وسؤاله عن اكثر الاشياء اللي تعجبه
تقريبا هاي هي اهدافي
شو رأيكم بالموضوع ؟؟؟ والله تعبت وانا انسقه واكتبه ولكن كله عشان نستفيد
بالنسبة لي انا هطبق من بكرة ان شاءالله واحكيلكم عن ردة فعل زوجي لما يتغير شعري خااااصة