السلام عليكم ورحمه الله وبركاته
توهم اعلنوا الخبر بس شوفو الوقت متأخر ليتهم اعلنوه بدري عموما احس رحمه من ربي ان بكرا اجازه لان توه الجهاز خرب برنامج الوورد وما اعرف اطبع لي بحث
وتوهقت ! بس رحمه من ربي ان بكرا اجازه والحمد لله :)
بس ما لاحظتوا احنا الطلاب الي مو من الجامعات يعني الفئه الصغيره دايما مكارمنا اجازات اجازات ؟
احنا والحمد لله تكفينا الاجازات بالذات هنا بجده خخخخ
احنا ما نبي اجازات نبي تشيلون القدرات محطم الاحلام :( ونبي كمان المناهج المطوره بس الي ياخذونها من اولى ابتدائي ويكملوا معها ، مو فجأه
صار المنهج مطور !
واذا ما يصلح الغاء القدرات نبي تخفيف الاسئله او زياده الوقت واعطاء فرص اكثر حتى ننجح لان معقوله تعب 13 سنه يروح باختبار واحد !
وبعدين من هو الذكي الي بينجح بذا الاختبار بنسبه الـ 99 ؟ ارجوكم اسمعوا لنا احنا الفئه المهمله دايما
نبي كمان تطوير مدارسنا حيث البناء وتوظيف ملعلمات جدد يعني حتى احنا الطلاب عقدتنا المعلمه العجوز او القديمه اذا ما كان تدريسها زين !
اما المعلمه الي تأسس زين هذي احترمها واخليها على عيني وراسي واجتهد بصفها ومااطالب بتنحيها :) حتى لو كان عمرها 99 سنه ! << تشابه بين النسب والاعمار خخخ >>
نبي تطوير المدارس ونظافتها ونظافه الاطعمه وتوحيدها من شركه واحده ارجوكم خلوا صوتنا يوصل لأي مسؤول ارجوكم يا طلاب
وجزاكم الله خير على استضافه موضوعي :)
انتظر آرائكم
ملحوظة : ترا انا حامدة ربي على هذه النعمة العظيمة بس حبيت اتناقش معكم مو دلع وشكرا لكم :)
الله يهديكم يا بنات انا قصدي بالموضوع مو ان الكل لازم يصير رأيه نفس رأي :angry2:! وانا قصدي على الي بالثانوي والله احنا نعيش رعب بسبب القدرات يمكن بعضكم ما يحس لانه ما مرت عليه وانا ما تذمرت ولا شي انا ابي اتناقش ليتكم تقرون الموضوع زين
على فكرة انا اقصد الي بالثانوي مو الابتدائي والمتوسط
ملاحظة اخيرة كمان :
بعد قراءة الردود معظمها يعني اكتشفت اننا شعب كسول نحب النوم :icon30: عشان كذا بلغي هذا الموضوع واكبر المخدة وانام احسن لي ;)!!! منجد بعض الردود تخليك تحلفين ما تنزلين موضوع هنا !
عشان كذا قدام الكل هذي انا اقول : الحمد لله يارب وارزقني من واسع فضلك يارب
وارزقني زيادة يارب
حسيت اني جاحده من بعض الردود هنا ! ترا انا بس ابي اعبر عن الرأي :(
من عذرهن بعض البنات يطلعوا من المجلس العام وهم يبكوا ! من ردود بعضكم يا بنات
