نقد زوجي ايش الحل معاه؟

السلام عليكم
أعاني من مشكلة نقد زوجي المستمر لي..
من اول مايصحى من النوم لغاية ماينام وهو يتمسخر وينتقد كل شيء فيني.
مو انا مو عاجبته الا بالعكس.
انا جميلة وطيوبة وحنوووونة ومثقفة
بشهادته.
قال لي هالكلام في فترة الملكة.
اهله دايم يمدحون شكلي واناقتي.
في الأعراس دايمآ الانظار علي.
هو ماعرف ايش مشكلته.. بالبداية كنت آخذ انتقاداته بعين الاعتبار واجلس افكر واغير
لقيته مهما سويت يبقى ينتقد حتى الأشياء اللي قال انها تعجببه وسويتها.
بجيب أمثلة.. مثلآ حطيت روج أحمر.. يقول شنو هاللون الناس تحط وردي
بعد كم يوم حطيت وردي.. يقول نفس الكلام شنو هاللون غامق.. باهت.. يفشل
المشكلة مو بس على الشكل على كللللل شي
حتى في العلاقة... يقول انتي متوسعة.
وحنا ماصار لنا الا كم سنة متزوجين وولدت بقيصرية
كيف بتوسع التوسع المبالغ فيه زي مايقول كيف تجي هذي بالله؟
آخر مرة زعلت منه ع موضوع الطبخ
صارت له مدة مايبي رز يقول اطبخي اي شي الا الرز مايبي يثقل.
بعد فترة يمكن اسبوع يقول خلاص اليوم سوي لنا رز.
قلت له اوك.
يقول اييييييه من متى ماطبختي رز تلعبين علي بالاكلات البسيطة 😥
وكلما ابي ارد عليه يقاطعني ويزيد بالحكي
يقول صار لنا ٣ سنين ما اكلنا رز
مسكين انا مظلوم انا كله مقصرة انتي بحقي.
اعرف انا انه يقول هالكلام قصده بس يستفزني.
لكن هالمرة طفح الكيل ولا عدت قادرة على تطنيشه ولا مجاراته.
عاد رديت عليه وقلت له ماني بنت ابوي اذا طبخت لك رز اليوم.
هو سكت.
وغير الموضوع... بعدين رجع يذكرني مو تنسين اليوم اطبخي رز.
قلت له كلمتي مارح تتغير.. مو تقول اني مهملتك وما اطبخ ؟
خلاص هذا اللي بيصير.
قال اصلا انتي تبيها من الله عشان ماتطبخين,
اقسم لكم يابنات اني ولا مرة رفضت اطبخ له.
حتى لو نايمة يقعدني من النوم اطبخ له وربي اني اقووووم
حتى لو توي نايمة.
يعني ابد ما اتحجج بشي بس هو ينرفز
احيانآ احس هذي هواية عنده وتسليته معاي.
واحيانآ احس ان الشي اللي يعجبه ينتقده
وساعات اقول هو مايمدحني يمكن يخاف اشوف حالي عليه.
لكن هو يعرفني انا مو كذا.
انا عبرت له كثييير ان اسلوبه يضايق ويستفز
واذا يبي شي يقوله لي باسلوب حلو
لكن لاحياء لمن تنادي.
شسوي يابنات اخاف يجي يوم وانفجر.
يعني كفاية باقي المشاكل اللي مستحملته فيها.
يجي يكمل الناقص 😭
اعذروني يابنات طولت عليكم بمشكلتي
لكن اعتبروها فضفضة ااخت واتمنى القى حل من تجاربكم وخبراتكم