نهاية قصتي حبيتكم تعرفونها

السلام عليكم
مبروك الشهر عليكم
مااعرف بالمقدمات بقولكم قصتي
قبل نزلت موضوع اشاوركم فيه عن خلافي انا وخطيبي يطلبني اطلع معاه وانا قلت له اهلي مايسمحون لي وهو يحاول فيني اطلع لومن دون علمهم لاني ماراح اطلع مع غريب هو زوجي وان زواجنا بعد كم سنه لان ماديته ضعيفه لكن انا رفضت لان البنت عندنا تقابل خطيبها لكن ماتطلع معاه قبل الزواج
وهو الله يهديه صاحب علاقات مع البنات يعني من مقابلات وغيره وحلف لي انه تغير وكلها طيش شباب وانا تفهمت الوضع لانه قال لي بعد ماحبيته وتعلقت فيه
وكلكم ايدتوني باني مااطلع معاه

طبعاً بمااني رفضت اطلع معاه زعل هو ولاعاد كلمني بنفس الفتره ابوه عمل عمليه وارسلت له اسئله عن ابوه وقالي الحمدلله نجحت العمليه ومشكوره ع السؤال ومن بعدها انتظرته يبادر بشي وللاسف ماجاني منه ولاخبر رجعت ارسلت رساله عتاب ومن بعدها رساله منه ومني وحلينا الاشكال طبعاً هوماانحل يعني قال معك بحاول مااطلب منك ااننا نطلع مع بعض لكن تاكدي برجع افتحه معاك اذا ذبحني شوقي وسكت انا قلت كل مره بتعذر لاني احبه وماابي اخسره
جلسنا اقل من شهر وحنا وضعنا تمام حتى يذكرني بمواقفنا قبل وحنا صغار بجمعات اهل امي بالسنه مره اوثنتين وكيف انه يحبني قبل البنات اللي تعرف عليهم والى الان مايبي يخسرني
لكنه يلمح لويقابلني وده يسوي كل شي معاي وقلت له لاتفكر كذا كل شي بوقته حلو ورد انه الشي اللي ابيه انا بيصير لكن فيه بعض الاشيا لازم تصير الحين لان شوقه ذبحه علي ولايقدر يصيبر الى ماتتحسن ماديته ونتزوج وكل مااقوله مووقتها وحنا مانضمن الدنيا وش بيصير بعدين يقولي طيب براحتك الشي العميق مانسويه لكن غيره ابيه منك
وجلسنا كذا يوم ع موالنا وبالاخير زعل هو
انا ادري بطريقته يبي ييضغط علي لكن تبغون الصراحه طاب خاطري منه احس بديت اكرهه لانانيته مااكذب عليكم اشتاق لاحاديثنا وضحكنا مع بعض لكن من اشوف صوره له احس اني مااتقبله
وبعده بيومين ارسلت له اطلبه يطلقني وهو رد ان شا الله بتوصلك

والحين يابنات ابيكم تدعون لي ان الله يصبر قلبي واني انساه ولااحن له وان الله يعوضني