نوال ولا الكسندراضعيه في ملف مستشفيات الرياض

السلام عليكم
انا ياطويلات العمر فاتحه ملف في كل مستشفيات الرياض (دله - البريطاني - الحبيب) مابقي الا الشميسي
المهم دكتورتي في البريطاني الي هي فايزه المطري ولدت وماعندهم احد صاحي غيرها
حولت على دله عند ناديه اكتشفت انها بتسافر في وقت ولادتي
ضفيت عفشي ورحت للحبيب عند الكسندرا ماعليها حبيبه بس ماتولد الا اذا كان وقت دوامها
اخرتها اخذت موعد مع نوال الي بالحبيب لانهم مدحوها واخف زحمه من غيرها ولسى موعدي معاها السبت بس الي خوفني اني قريت قبل شوي انها رفضت تولد مرضى شاكره يعني اخاف تكرشني انا وكرشتي وان خلاص كلها كم يوم وادخل التاسع ان شاء الله وفي اخر مراجعه قالوا ان الجنين مقعدي ويمكن مايتعدل لانه خلاص كبر والله اعلم واحتمال قيصري والحمد لله الخيره فيما اختاره الله
السؤال وش رايكم اروح عند نوال وتتوقعون تقبلني ولهل اذا رجعت ل الكسندرا بتزعل لاي رحت لنوال ولا لا
طبعا انا عارفه ان الولاده تساهيل من رب العالمين بس ابي ابذل السبب عشان مااتندم
وياليت الي جربت نوال او الكسندرا تعطيني تجربتها الله يحرم وجهها عن النار